Фарғона вилоятида 300 дан зиёд кўп қаватли уйлар жорий ва мукаммал таъмирланди

Кўп хонадонли уй-жой фондини сақлаш ҳамда уларни жорий ва мукаммал таъмирлаш ишларини сифатли бажариш, куз-қиш мавсумини беталофат ўтказиш, фуқароларга сифатли коммунал хизматлар кўрсатилишини таъминлаш мақсадида вилоят қурилиш ва уй-жой коммунал хўжалиги бошқармаси томонидан изчил ишлар амалга оширилмоқда.

Жумладан, 52 та уйларнинг 27 минг кв.м том қисми, 266 та кириш йўлаклари, 69 та уйнинг ертўла қисмидаги муҳандислик-коммуникациялари, 59 та уйнинг уй ичидаги муҳандислик тармоқлари, 98 та уйнинг фасад қисмини таъмирлаш, 112 та темир эшик ва 104 та кодли қулфлар, 150 кв.м фрамуга ойналари ҳамда 617 та энергия тежамкор сенсор лампалар ўрнатиш ишлари амалга оширилди.

Бундан ташқари, электр тақсимловчи шитлар тўлиқ хатловдан ўтказилиб, манзилли рўйхат асосида 1 минг 32 таси тўлиқ таъмирланди. Бошқарув сервис компаниялари томонидан кўп квартирали уйларда яшовчи фуқаролар маблағларидан 168 та уйнинг 350 та қаватлараро электр тармоғи хўжалиги объектлари таъмирдан чиқарилди.

Fergana.uz|Facebook|Instagram|Youtube|X

Бағрикенглик ҳафталиги: эзгу мақсадлар ва орзуларимиз муштарак

16 ноябрь – Халқаро бағрикенглик кунига бағишлаб ўтказилаётган “Бағрикенглик ҳафталиги” доирасида Фарғона вилоятида ҳам турли байрам тадбирлари ташкил этилмоқда. Бу борада вилоят ҳокимлиги томонидан алоҳида чора-тадбирлар режаси ишлаб чиқилиб, байрам шукуҳи барча шаҳар-туманларни қамраб олишига эришиляпти.

Ҳафталик давомида “Ўзбекистон бағрикенг диёр” шиори остида ҳар бир ҳудудда кенг қамровли маънавий-маърифий тадбирлар бўлиб ўтади.

Марғилон шаҳридаги 10-сонли мусиқа ва санъат мактабида ташкил этилган тадбирда вилоят ҳокимлиги, Дин ишлари бўйича қўмитанинг вилоят ҳудудий бошқармаси, вилоятдаги миллий маданий марказлар раҳбарлари ва фаоллари ҳамда вилоятда истиқомат қилувчи турли миллат вакиллари иштирок этдилар.

#Tadbirlar

Fergana.uz | Facebook | Instagram | Youtube | X

Фарғона шаҳрида Ўзбекистон Республикасини Жаҳон савдо ташкилоти (ЖСТ)га аъзо бўлиши масалаларига бағишланган тадбиркорлар билан учрашув бўлиб ўтди.

Унда вилоятимиздаги тадбиркорлар, кластерлар, экспортёр корхоналар раҳбарлари, фермерлар иштирок этди.

Учрашувни вилоят ҳокимининг ўринбосари Алибек Турсунов очди ҳамда Президентимиз ташаббуси билан Жаҳон савдо ташкилотига аъзо бўлиш йўлидаги саъй-ҳаракатлар қатъий давом эттирилаётганлигини билдирди.

#Uchrashuvlar

Fergana.uz | Facebook | Instagram | Youtube | X