tgoop.com/fvyhbib/26665
Last Update:
قصيده ليلة الوحشه ~~
شلون يالخوان باجر // وحدي واگسر الخاطر
آه منه شلون ليله
ماكو والي اعتنيله ~~
آه ياهاليله هاي .... اخواني عالرمله مست
شفت محروكه العبايه .. وحركت الخيمنه شفت
صحت كعدو يهل كلبي ... وحدي بالطف خفت
يخوتي لحكو عليه
اسروها الهاشميه
وحدي اكسر الخاطر
✍️حوراء الكناني
🕯️🕯️🕯️🕯️🕯️🕯️🕯️
شلون بيه هالمسيه ... اخوتي عافوني
بين نار خيام امشي. وبين من سبوني
عاتبتهم كل اهلنه بلكت يلحكوني
ماسمعت جواب منهم
صحت يالوليان حيهم
وحدي اكسر الخاطر
ام علي الموسوي
🕯️🕯️🕯️🕯️🕯️🕯️🕯️
ماسمعت اجواب منهم... نومه كلهم عالثره
بين من كطعو جفوفه... وبين حزو منحره
احشم ومحد كعدلي... ولادرو شنهي الجره
حشمت يهل الحميه
وينكم كومو اليه
وحدي واكسر الخاطر
✍️ ام حسين العامري
🕯️🕯️🕯️🕯️🕯️🕯️🕯️
من صحت ياخال بزري ماسمعني ولاگعد
يدري بيةحرمة وحدي. وغيره ماعندي سند
عالجثث اعبر واعدد. جم شباب وجم ولد
ترسو تراب الوطية
مددتهم بين اديه
وحدي واكسر الخاطر
العلوية فضيلة الموسوي
🕯️🕯️🕯️🕯️🕯️🕯️🕯️
امددين احباب كلبي بلاغسل وابلاجفن
اخ ياليلة الوحشه حيل متروسه حزن
صحت انه بعالي صوتي يمه الحكي يم حسن
مابقه عندي ولي
علترب نامت هلي
وحدي واكسر الخاطر
✍️ام نور الزهراء الزينبيه
🕯️🕯️🕯️🕯️🕯️🕯️🕯️🕯️
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الأسماء أو ينسبها له
https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/26665