tgoop.com/fvyhbib/37716
Last Update:
في استشهاد فاطمة الزهراء عليها السلام وبكاء ابنتهاالحوراء
بطور ( يزينب وين سويتي عزى احسين )
لسان الموالي المحب
______
على الزهراء دلالي تفطر
شالت للگبر الله أكبر
____
على ام حسين خلو الدمع منثور
بعدها شابه وابعمر الزهور
الفگدها هالگلب ياناس مفطور
عليها ام الخدر ظلت تحسر
على الزهراء دلالي تفطر
✍🏻سلمى أم جعفر
___
تشاهد غصت الزهره وتنادي
يجدي اشلون ظلمونه الاعادي
بتك بالضلع صابو يهادي
خلو بالنزل دمها تطشر
على الزهراء دلالي تفطر
✍ام اسعد الشمري
_____
محتام الگلب ونصيح يازهره
نذكر للمصاب الصار والعصره
دم عيونه تجريلج. العبره
الشمل بعدج يزهره وسفه اطشر
على الزهراء دلالي تفطر
خادمة اهل البيت ع
✍️هدى المطر ام محمد
____
زينب باليتم حست بعدها
صعبه خلتج محد يسدها
بعد ذيجه ليالينه شيردها
بفراگج احس گلبي تعور
على الزهراء دلالي تفطر.
✍🏻 ام ستار الكعبي
___
بفراگج احس الدنيه. وحشه
علي وياج جنة. انشال. نعشه
على اغيابج ابد ماغمض رمشه
دمع عيونه لفراگج تفجر
على الزهراء دلالي تفطر
✍️حوراء الكناني
___
جمر افراكهه يسعر بالفاد
ودمعنه اعله ام حسن مابطل وهاد
يوميه جرحها اعلينه ينعاد
وبعد كدامنه انشوف منحر
على الزهراء دلالي تفطر
✍️عاشقة العباس ام عراق الشمري البصره
➖➖➖➖➖➖➖
تمت بااقلام خادمات اهل البيت عليهم السلام في رابطة سيد الشهداء ع
🙏🏻🙏🏻نسالكم الدعاء 🙏🏻🙏🏻
https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/37716