tgoop.com/fvyhbib/37736
Last Update:
~قصيدة الزهراء«ع» وايضأ تنقره لفقد الام~
➖➖➖💔➖➖➖
حنينه الوالده وشلون اجازيها
ام ضحكة الحلوه وين الاگيها
➖➖➖💔➖➖➖
حنينه الوالده ماكو ابمحنتها
تهد الروح ياهلناس فرگتها
ياوسفة الگبور شلون. ضمتها
الف ياحيف أمنه اتراب غاطيها
➖➖➖💔➖➖➖
الف ياحيف أمنه أيتام عافتنه
راحت بلهضم والقهر خلتنه
بعدنه ازغار أمنه ليش يتمتنه
أمنه اشما نسوي مانوافيها
➖➖➖💔➖➖➖
مانوفي رباها ألطيبه للموت
على افراگ الحنينه ننحب ابصوت
يريت ابدالها شالانه تابوت
لجلها عيونه من الدمع نعميها
➖➖➖💔➖➖➖
نعمي اعيونه من حكنه ونبجي
ضيم اگلوبنه المن بعد نحجي
والمن من بعدها احزانه نشكي
امي امعدله يلوگ الحجي اعليها
➖➖➖💔➖➖➖
أمنه امعدله ومتروسه حنيه
اتلمنه ابحضنها الطيبه ليليه
صعب افراگها ياعالم اعليه
فگد امي الحنينه الروح ياذيها
➖➖➖💔➖➖➖
افراگ امي الحنينه حيل ياذيني
جمر افراكها بالروح يجويني
الزجيه اخلافها ماغمضت عيني
عليها ادموعنه للموت. نجريها
➖➖➖💔➖➖➖
تمت بااقلام خادمات اهل البيت عليهم السلام
✍🏻الشاعرة حوراء الكناني
✍🏻ام زهراء الزيداويه البصراويه
🙏🏻🙏🏻نسالكم الدعاء 🙏🏻🙏🏻https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/37736