tgoop.com/fvyhbib/40960
Last Update:
قصيده الهلال لسان حال زينب لمن رأت الهلال وتتكلم مع اخيها الحسين
🏴🏴🏴🏴🏴🏴🏴🏴
شفت الهلال يخويه شفت الهلال
الدمع همال يخويه الدمع همال
همل دمعي يلولي///يابعد روحي وهلي
من شفت الهلال///من شفت الهلال
🏴🏴🏴🏴🏴🏴🏴🏴
شفت الهلال يخويه كون ريته لاشفت
انه من شفته يوالي لزمت كلبي وخفت
ريت ماهل يبو سكينه والله من خوفي ارجفت
كام يرجف الكلب///اودمع عيني يصب
من شفت الهلال ///من شفت الهلال
✍️حوراء الكناني
🖤🖤🖤🖤🖤🖤🖤🖤
انه من شفته يغالي ريت ميته اشوالي
ردت عليه المصايب وتغيرت احوالي
اذكرت يوم الطفوف وبيها شدهت بالي
بيها تيهت الدرب//اودمع عيني يصب
من شفت الهلال///من شفت الهلال
✍️ام محمد الساري
🖤🖤🖤🖤🖤🖤🖤
حايره بين الجثث ويلي تهيت الدرب
شلون ترضاه اروحن خويه وي ناس الغرب
اطفال من العطش تبجي امنعوا ماي الشرب
منعوا الماي العذب/// اودمع عيني يصب
من شفت الهلال///من شفت الهلال
✍️حوراء الكناني
🖤🖤🖤🖤🖤🖤🖤
الجرى بكربله وطفها خبرتني امي عليه
انه عندي علم منه والمصايب تجري بيه
بس انه كالت لي امي كوني انه وحمليه
يوم توليه الغرب،///اودمع عيني يصب
من شفت الهلال///من شفت الهلال
✍️ام محمد الساري
🖤🖤🖤🖤🖤🖤🖤
خويه بس نسوان احنه رحنه وي زلم العده
شرد اسولف من مصايب والظلم الي سده
جرح عمري ابد يبرد عمري كله ماهده
جرح گلبي صعب/// اودمع عيني يصب
من شفت الهلال ////من شفت الهلال
✍️حوراء الكناني
🖤🖤🖤🖤🖤🖤🖤🖤
اذكريت الي جرالي من مصايب وبله
اجساد اخوتي على الرمضى منين اجتني كربله
من بهل عاشور اكله لاتجبني ولاهله
بيك روحي تنشعب ///اودمع عيني يصب
من شفت الهلال من شفت الهلال
✍️ ام محمد الساري
🖤🖤🖤🖤🖤🖤🖤🖤
تمت الحمدلله 🤲
بقلم خادمات اهل البيت ع
✍️الشاعره ام محمد الساري
✍️الشاعره حوراء الكناني
نسالكم الدعاء بتعجيل الفرج صاحب الزمان عج
https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/40960