tgoop.com/fvyhbib/40971
Last Update:
قصيدة للنزول
꧁꧁꧁꧂꧂꧂꧂
نازلين بكربلا سادة ونشامة
اسألنا عنهم گالو حسين وعمامة
جنهم نجوم السمه
نازله وامخيمه،
بدور جنهم غطو الليل وضلامة
꧁꧁꧁ﷲ꧂꧂꧂
ضلمة چانت كربلا ومحد يطبها
شو دخلها هالضعن جنة گلبها
نجوم تمشي عالارض ضوت تربها
منين ذوله ياخلك
نورو كاع وفلك
حلوه فوك الراس محطوطة العمامة
꧁꧁꧁꧂꧂꧂꧂
طبعا تشع بيهم ارض الغاضرية
ذوله الينورونها الچنهم ثرية
حسين هذا وعزوته اولاد الزجية
نصبو مباني بكربلة
وعباس شيخ المرجلة
موروث عنده من علي طبع الشهامة
العلوية فضيلة الموسوي
꧁꧁꧁꧂꧂꧂꧂
ياهله وكل الهله باولاد حيدر
بيكم ارمال الصحاري اليوم خضر
شلون دمكم يالنشامة يترس البر
والنعم منكم يالاسباع
يالذكركم بالفخر شاع
من رسول الله ورثتوها الكرامة
꧁꧁꧂꧂꧂꧂꧂
نزلو بطف كربله وبكاع الحتوف
ريت تسلملج يزينب هاي الجفوف
عالبطل متوجله ولازمها الخوف
اعليهم اتصد العقيلة
فراكهم مابيها حيلة
وتدري ماتبقى عشيرتها بسلامة
✍️حوراء الكناني
꧁꧁꧁꧂꧂꧂꧂
تمت الحمدلله🤲
بقلم خادمات اهل البيت ع
نسالكم الدعاء 🙏بتعجيل صاحب الزمان عج
https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/40971