tgoop.com/fvyhbib/41033
Last Update:
نعي مسلم ابن عقيل
عندما وصل الخبر للحسين بقتل مسلم ابن عقيل ع
ويلي مسح على راس اليتيمه
ما عدهه ابوه والله هظيمه
ظل يبجي راعي الشيمه
"""""""""""""""""""""""""""""""
مسح راسها وحست عليه
ظل يصفج حسين ابيديه
يعاين ودمعاته. وجريه
✍️ #علويه ام فاضل
🟰🟰🟰🟰🟰🟰🟰
من صاح جيبو حميده إليه
انهدم حيلي وماتت اديه
اعرفت عودي مآله جيه
"""""""""""""""""""""""""""""""
كتله يعمي شنهي الاخبار
كال اني عودج ودمعه نثار
ويصفج بديه حسين محتار
✍️ #أم علي نجف
🟰🟰🟰🟰🟰🟰🟰
*لسان حال حميده بنت مسلم ع*
نيران ضل يسعر يگلبي
خلاف الابو تيهت دربي
حسيت بيتم ونخيت ربي
"""""""""""""""""""""""""""""""
بكت عيني على دربه ربيه
اخلاف الابو اشبع اذيه
منين اجتني ها البليه
✍️ #الحاجه نجاة ام كرار اللامي
🟰🟰🟰🟰🟰🟰🟰
بويه تره هجرك عذباني
وشسوه بعدك بيه زماني
وفراكك تره والله عماني
"""""""""""""""""""""""""""""""
عماني وبعد ماشوف دربي
آه يا بويه يا بعد عمري
ابروحتك زودت قهري
✍️ #علويه ام فاضل
🟰🟰🟰🟰🟰🟰🟰
فراك الابو للحيل هدام
شلون عيني خلافك تنام
ضلينه عگبك بويه ايتام
"""""""""""""""""""""""""""""""
حيل اليتم يابوي يكتل
مهضومه عگبك عيني تهل
خيمه جنت ولنه تدلل
✍️ #ام مرتضى الحواسي
🟰🟰🟰🟰🟰🟰🟰
الفكدت ابوها خل تون حيل
سهرانه تضل لا تغفه بالليل
عزيز الابو ودمعاتها تسيل
"""""""""""""""""""""""""""""""
على فركتك ماني جويه
والطم عليه باثنين اديه
الفركه طويله وهاي هيه
✍️ #ام حسين الابراهيميه ناصرية
🟰🟰🟰🟰🟰🟰🟰
الفركه طويله وماالك جيه
راح الجان الي خيمه وتجيه
بعد ماشوفك يلتنشد عليه
"""""""""""""""""""""""""""""""
فراك الابو مابيه حيله
دمعي يجري علخد اهيله
من فركته مانمت ليله
✍️ #حوراء الكناني
🟰🟰🟰🟰🟰🟰🟰
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/41033