tgoop.com/fvyhbib/41868
Last Update:
قصيد ه عن لسان سيدتنا ومولاتنازينب مع امها فاطمه الزهراء عليها السلام
لا تشيلين عنه
يا الحنينه
ييمه خلاف عينچ من يجينه
//////////////////////////
لاتشيلين يمه معوده عليچ
وادري الموت يمي مايخليچ
اريد أگعد وحب جفوف رجليچ
وگعداتي السوه مترد علينه
حوراء الكناني
⛈️⛓️⛈️⛓️⛈️⛓️⛈️⛓️
لا تشيلين ذوبتي دليلي
عليج معلمه او ما أنام ليلي
ييمه غيبتچ نحلت لحيلي
وابوي المرتضی دمعه یسیلیه
خادمة اهل البيت عليهم السلام العلويه ام سيد مهدي الموسوي
⛈️⛓️⛈️⛓️⛈️⛓️⛈️⛓️
مترد گعدتچ يمه والايام
وگعدات الودهن يصفن احلام
وگلبي يضل عله امي دوم محتام
وساعات الوداع شلون بينه
ام منتظر لأسدي
⛈️⛓️⛈️⛓️⛈️⛓️⛈️⛓️
يمه شلون بيه بيوم الوداع
ومن هسه الصبر يالوالده ضاع
چنچ شايله وممشاچن ابساع
وداع الموت چن تودعينه
✍🏻الشاعره عاشقة كربلاء الطف ام محمد آل درويش
⛈️⛓️⛈️⛓️⛈️⛓️⛈️⛓️
نضل بعازتچ يم گلب الحنين
البيتچ لومشيتي ماترجعين
وفرگه الموت يمه يطول سنين
وفراكج ييمه حيل ياذينه
خادمه الزهراء ✍️ام علي الزيدي
⛈️⛓️⛈️⛓️⛈️⛓️⛈️⛓️
وياذينه البعد يازهرة الروح
عكبج ياحنينه وين اني اروح
اصدن للحسن وكليبه مجروح
يهون عليح يمه تفاركنه
ام رافد السامر
⛈️⛓️⛈️⛓️⛈️⛓️⛈️⛓️
تمت بعون الله
تــمت بعــون اللــہ
💢القصـیـده مشـــ🤝ـتــرڪـه بقلم شاعرات كربلاء الحسين المبدعــات 🌹 بإشراف
الشاعره ام محمد آل درويش مع الــشــاعــ🤝ـرات💢 /١٤٤٤/ه
❌❌لايجوز شرعاً وغير مبرء الذمه كل من يحذف أسم الــشاعرات او ينسب الكلمات ويتلاعب بالقصيده🙏🙏
قناة شاعرات كربلاء الحسين متميزة وكل ماتحتاجون وكل ماهو جديد فى قناة الشاعره ام محمد آل درويش
لطميات +فزاعيات
انواع النعي +ابو ذيه +هوسات
جلوات افراح +هوسات وابو ذيه افراح
🤝🤝🤝🤝🤝🤝🤝🤝
👍👍👍👍👍👍👍👍🌹🌹🌹🌹🌹🌹🌹🌹
https://www.tgoop.com/fvyhbib
BY قۣۗـۙنۣۗـۙآةّ خۣۗـۙآدُمۣۗـۙهۣۗہ آلَزۣهۣۗہرآء ﴿عۣۗـۙلَيۣۗہهۣۗہ آلَسۣۗـۙلَآمۣۗـۙ﴾✍️
Share with your friend now:
tgoop.com/fvyhbib/41868