قصيده عله وزن خدام


.يحسين. يحسين. حاجيني اه يلمنذبح
يحسين. يحسين. نابت بصدرك چم رمح
ياعلي ياعلي ياعلي

خوية يلمذبوح عاين حالتي
تهدم الكونين صارت علتي
شلون عايفني يخوي بشدتي
والماي. والماي. والماي ياخويه يشح
يحسين يحسين. حاجيني اه يلمنذبج
يحسين يحسبن  . نابت بصدرك جم رمح


تبجي اطفالي عطاشه من الظمه
ولشمس تصدع  براسي بالسمه
وحيده انه ام عون  امشي مالمه
احتار احتار احتار اشدن ياجرح
يحسين يحسين.. حاجيني  اه يالمنذبح
يحسين يحسبن  . نابت بصدرك جم رمح


خويه كمت احتار اصد ليا كتر
وسوط مطبوع بكفاي من الشمر
عاينت بس خيل  تسحك عالصدر
بالروح بالروح بالروح. جن نابت رمح
يحسين يحسبن يحسبن. حاجيني اه يالمنذبح
يحسين يحسبن  . نابت بصدرك جم رمح


صحت خويه حسين ابدمع اليهل
جاوب اختك كوم لوبعدك عدل
شوف سوط اعداك. بمتوني يسل
ياخوي ياخوي ياخوي مثلك مايصح
يحسين يحسبن يحسبن حاجيني اه يالمذبح
يحسين يحسبن  . نابت بصدرك جم رمح



شوف ابو فاضل صريع بلايه ادين
يمه جوده ولعلم  خويه الحسين
مني اخذو روحي من صابوا العين
ولجود ولجود ولجود.يمه منطرح
يحسين يحسبن يحسبن  حاجيني اه يالمنذبح
يحسين يحسبن  . نابت بصدرك جم رمح


الشاعره مريم العبوديه اسيرة الاحزان 💔

قصيده للسيده زينب ع 😭😭

يوم الحزن يايومه  .. عد زينب المظلومه
ماتنحمل ونتها.
. ولظيم فت مهجتها

.......
ياجرح التشده وزينب ابحيره
محنت بت علي مامرت بديرة
مشهد هالحزن يصعب تصاويرة
المن هلنظر متحيره  اتديرة

تتلفت لمصرعهم.
. تراب ودم امغرگهم
كل الاهل عافتها.
.....

اكبال العين صرعه كل اهلها تشوف
وعباس الگمر ما باچي عنده جفوف
محتاره بيتامه  البيها حاط الخوف
تگصد للجسوم وبالدموع تطوف

للغالي شنهي تخبره.
لا يمنته ولا يسره
متحتره بحالتها


الله يعين زينب بالجره والصار
الصبر منها صبح بالنايبة طشار
تشوف اطفال مرعوبه بلهيب النار
وادموع الجفن تنزل مثل الانهار

بالطف تگوم وتوگع
. تشوف  العضيد مگطع
تشم الاخو بلهفتها



تشاهدهم ضحاياه ويلي فوك الكاع
وبشهگة حزن تكسر ليها اضلاع
لم عون الجروح النابعات اوساع
تجر گوه النفس من شدةالاوجاع

فگد العضيد الكافل..
نار ومواجع شاعل
تبچي الصخر قصتها


بنفس اليوم فگدت بالطفوف احيود
احسين  وعضيده    راعي الحود
سبيه اعله الهزل منها الكلب ممرود
الكون بعين زينب ويلي ظل مسدود

تشجي بدموع الحسره.
مفجوعة بت الزهره
نيام كل اخوتها

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

لطميه للأمام الحسين عليه السلام

ياخويه ياخويه  ياخويه
ياحسين
اشلون يحسين امن اشوفك عالثره
اوصالك اعلى الگاع خويه اموذره

جيت احدي والگلب دامي وعليل
بيش اشد الحيل يالطايح چتيل
لا بقالي حسين لا چف الكفيل
بلوعتي اوگف ابهمي امحيره
ياخويه ياخويه  ياخويه

منهو گطّر ماي خويه الشفتك
متت ضامي وانه احير ابعيلتك
اشلون هذا الشمر حزهه رگبتك
يا مصابك ابد ما صار وجره
ياخويه ياخويه  ياخويه

نزلت اشباح الحزن بين الگلب
بفگد خواني عشت موقف صعب
اگبال عيني امگطعه بذاري الترب
والجسوم الداميات أمسطره
ياخويه ياخويه  ياخويه

شاهدت منظر يخويه الفاجعه
اوصال عالتربان خويه امگطه
بيش المك ونه بالبر ضايعه
مثل همي ابد ما تحمل مره
ياخويه ياخويه  ياخويه

بين كل هاي المصارع گمت اصيح
انذبح كلساع لمصاب الذبيح
لا تضن گلبي بوداعك يستريح
طول عمري بنوح ابقه مرمره
ياخويه ياخويه  ياخويه

الحومه ما تنطب صدى خيول ورماح
حسين من الضيم نايم وستراح
تارك الزينب قهر هم ونياح
بصدري لهموم بمصابك غايره
ياخويه ياخويه  ياخويه


✍🏻الشاعره مريم العبوديه اسيرة الاحزان 💔

.​‏❨﷽❩┈‏​‏​‏​‏​​‏•‏​
قصيده للعباس ع رباط. هوسه🔥

مو ش زماط هذا زماط عياله
ابو فاضل شجاع وياهو يدناله
╌────═❁═────╌
موش زماط خلها الزلم شرده
ابو فاضل سبع محلاته بالهده
ترجف خوف هالعدون منعنده

ايلاكونه.. ماكدرو ساعه
╌────═❁═────╌
شد عالسواتر  رايته  الحمره
خلاها  العده  عالكاع مطشره
بيه تنومست بت حيدر  الحره

وبجاله..   تتنومس زينب
╌────═❁═────╌
ازامط بي واريده اربات حربيه
كفو منه كفو  ابنج  يبد ويه
هذا مبجي العدوان   طاريهه

بصولاته  . تشهد  عدوانه
╌────═❁═────╌
شد عله الكتايب ساعة الموت
فنه الي دنه  ولحده   يفوت
زلزال المراجل  ظيع  الصوت

خلاها.    طشار  بأيده
╌────═❁═────╌
هلا وميت هلا بعباس المشكر
خلاها الكتايب ساعة المحشر
تصيخ الغوث من عباس ماتفتر

طكها .. الراس براس
╌────═❁═────╌
يالعندج قضيه وحايره بيها
سجلي طلبتج عباس يكظيها
شدي رايت الكافل  وعگديها

مجربينه.  يكظيها ابساع
╌────═❁═────╌
✍🏻الشاعره مريم العبوديه اسيرة الاحزان 💔

.‏❨﷽ فزاعيه رباط هوسه

ثكيله الفاتحه وتريد اهاليها
وعباس الكفلني اليوم مابيها
─═❁═╌

ثكيله الفاتحه جاوينه كفالي
نام ومادره شنو لسده بحالي
ادك ولطم عليه النوح يحلالي

مظيعنه طولك يالهيبه
─═❁═╌

ياحال العقيله اليوم ياحاله
ولديون صبح ماهم ارجاله
فاتحة الحسين تريد خياله

عباس ايعزب خطاره
─═❁═╌

زينبكم تون بحركه ما لومه
عباس الكفلها ظاعت علومه
ثكيله الفاتحه ولروح ملجومه

مصوبيها عينك عباس
─═❁═╌

فاتحة العزيز تريد عوانه
ولكافل طريح بلايه ذرعانه
ياظيم السده بحسين واخونه

بالحومه الطم عالراس
─═❁═╌

تمنيته يجي ويشوف احزاني
مجروحه كلب ابلايه خواني
مهظومه واون مابين. عدواني

ودموعي اتفطر الصخره
─═❁═╌

✍🏻مريم العبوديه اسيرة الاحزان 💔

.‏❨﷽ #فُزٍآعٌيَهّ لَلَعٌبًآسِ عٌ

اكعد ياسبع عال الشمر بينه
وبجمر الخيم مجويه رجلينه
─═❁═╌

اكعد ياسبع عالت العياله
وحسيني ذبيح مكطعه اوصاله
ودموع الحزن عالوجن. هماله
ترضاها الشمر عباس يحدينه
─═❁═╌

ترضاها الشمر. بحبال كيدنه
نسحك عالجمر هاليوم. وحدنه
لاكو ارجال لاظلت زلم عدنه
اسمع يالأخو ونه وبواجينه
─═❁═╌

اسمع ونتي. ونت المسبيه
تحدي ويالشمر عباس علوية
يامحنت سكينه ومحنت ارقيه
عمجن وين نادوا، و ين جفينه
─═❁═╌

عمج وين نادوا عا لمسنايه
وهوايه حجي ابكلبي اهوايه
ياعباس ماردنه النهر مايه
بين ارجاس ياوسفه تخلينه
─═❁═╌

ذوله ارجاس مابيهم تره مروه
عفتنه وايست من جلمة الخوه
ياسوط الشمر عالمتن يتلوه
وينك يالجبتنه كوم رد لينه
─═❁═╌

وينك يالجبتنه كوم يالوالي
وسياط الشمر. ورمت دلالي
وينك ياكفيلي خويه الغالي
ترضه اشلون عدوانك تماشينه
─═❁═╌
#الشاعره مريم العبوديه اسيرة الاحزان 💔

.‏❨﷽
قصيده عله وزن خدام


.يحسين. يحسين. حاجيني اه يلمنذبح
يحسين. يحسين. نابت بصدرك چم رمح
ياعلي ياعلي ياعلي
╌──═❁═──╌
خوية يلمذبوح عاين حالتي
تهدم الكونين صارت علتي
شلون عايفني يخوي بشدتي
والماي. والماي. والماي ياخويه يشح
يحسين يحسين. حاجيني اه يلمنذبج
يحسين يحسبن  . نابت بصدرك جم رمح
╌──═❁═──╌

تبجي اطفالي عطاشه من الظمه
ولشمس تصدع  براسي بالسمه
وحيده انه ام عون  امشي مالمه
احتار احتار احتار اشدن ياجرح
يحسين يحسين.. حاجيني  اه يالمنذبح
يحسين يحسبن  . نابت بصدرك جم رمح
╌──═❁═──╌

خويه كمت احتار اصد ليا كتر
وسوط مطبوع بكفاي من الشمر
عاينت بس خيل  تسحك عالصدر
بالروح بالروح بالروح. جن نابت رمح
يحسين يحسبن يحسبن. حاجيني اه يالمنذبح
يحسين يحسبن  . نابت بصدرك جم رمح
╌──═❁═──╌

صحت خويه حسين ابدمع اليهل
جاوب اختك كوم لوبعدك عدل
شوف سوط اعداك. بمتوني يسل
ياخوي ياخوي ياخوي مثلك مايصح
يحسين يحسبن يحسبن حاجيني اه يالمذبح
يحسين يحسبن  . نابت بصدرك جم رمح
╌──═❁═──╌


شوف ابو فاضل صريع بلايه ادين
يمه جوده ولعلم  خويه الحسين
مني اخذو روحي من صابوا العين
ولجود ولجود ولجود.يمه منطرح
يحسين يحسبن يحسبن  حاجيني اه يالمنذبح
يحسين يحسبن  . نابت بصدرك جم رمح
╌──═❁═──╌

الشاعره مريم العبوديه اسيرة الاحزان 💔

اللهم صل على محمد وال محمد
قصيده لام البنين ( ع)*

⚪✿آ⚪✿⚪✿آ⚪✿⚪✿آ

شمس العتره بهاليوم . بالمدمع غابت
امصيبت طف ام عباس . هالليلة انعادت
غابت  هاي الانوار*
حزنت دار الاطهار*

⚪✿آ⚪✿⚪✿آ⚪✿⚪✿آ
 
الحزن بالروح يصدح لوعه مالومه
بعيون الدهر حسرات مرسومه
شنسوي بعد هذا الاجل يومه
هيه ام الوفه ياناس وعلومه

سوت تاريخ وزود . حافل كل دهره
راحت بس الامجاد . ظلت مزدهره

تحجيلك عن الصار
حزنت دار الأطهار

⚪✿آ⚪✿⚪✿آ⚪✿⚪✿آ

الحره الما يخف هذا الحزن بيها
مصيبه كربله انعادت مأسيها
وحيده وبس حزن يتخاطف اعليها
لجمرات  الالم كلسع توديها

زين وظلت لعيون . تعاين دنياها
تاليها اتظل الدار . وحشة بلياها

بالهم تخمد يانار
حزنت دار الاطهار

⚪✿آ⚪✿⚪✿آ⚪✿⚪✿آ

هاي ام الوفه وام الكمر عباس
صارت بالوفه مضرب مثل للناس
واليخدم امامه مايهبط الراس
واست زينب لحد اخر الانفاس

واتصيح ابعالي الصوت   ياناس امقصرة
زينب باليسر اتروح  وانه المتخدرة

يامنجم للاسرار
حزنت ثار الاطهار

⚪✿آ⚪✿⚪✿آ⚪✿⚪✿آ

من سمعت ابن حذلم يحشم الناس
وينعى احسين ابو اليمه بقهر واحساس
صحت معقوله جاوين الكمر عباس
ما يترك اخيه ابين كوم ارجاس

جاوبته ابصوت الآه... بالغالي اخبرني
لاتذكرلي الاولاد.. بحسين ابشرني

بحسيني شنهو الصار
حزنت ثار الاطهار

⚪✿آ⚪✿⚪✿آ⚪✿⚪✿آ

تمت بعون الله *

.✍مريم العبوديه أسيرة الاحزان💔

نسألكم الدعاء بتعجيل الفرج
للحجه المنتظر ( ع)*

.
https://www.tgoop.com/gddaogt

قصيده للأم البنين ( ع)🏴

بحظان الابية رابية اسباع
زلزال بعزمهم ترجف الكاع
منهم هالوفة صار
بذلو اجمل اعمار
بحظان الابية رابية اسباع
✵ـ•┈┈┈<✿>•┈┈┈•ـ✵

متروسه حزن هاي ام لقمار
ضحت للحسين،، أزغار وكبار
الجرة عليها ابد، ماصاير وصار
ظحت بالنشامه ،
الولاد الكرامه
بحظان الابية رابية اسباع
✵ـ•┈┈┈<✿>•┈┈┈•ـ✵

سبيلج بالمفاخر زاهي معروف
ضحيتي لحسينج كمر وجفوف
اشلون ابطال عندج معرفت خوف
سوو ملحمة ابطال
بالطف صار زلزال
بحظان الابية رابية اسباع
✵ـ•┈┈┈<✿>•┈┈┈•ـ✵

وحكَ جود الكفيل وكطعت الجف
التاريخ عله ،،،صبرج خاشع التف
ذخرتي ابطال انتي لساعة الطف
ابطال وغيارة ،
،،،،كلبوها المغارة
بحظان الابية رابية اسباع
✵ـ•┈┈┈<✿>•┈┈┈•ـ✵

السوالف توكف بحظرة مقامج
نذرتي الغالي لنصرت امامج
نلتي بمفخرة وزود احترامج
دمعج يالااصيلة .
.مايكطع مسيلة
بحظان الابية رابية اسباع
✵ـ•┈┈┈<✿>•┈┈┈•ـ✵


تمت بعون الله تعالى

#✍اسيرة الاحزان 💔
مريم العبوديه


https://www.tgoop.com/gddaogt

،، ﷽.قصائد محرم()
طلب حاجه يام البنين 💔

ام البنين امجربه وتنطيني
دكيت بابج ودري مترديني

وهمل ادموعي بحزن
اصرخ بحسره واون

بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•

عندي حاجه وگاصد الام الكرم
عليج ظلع الطاهره وراعي العلم
جبره يم عباس كلبي اللي انثلم

عيوني بدموعي نعمن
اصرخ بحسره  واون
ريت فرحه تملي كل سنيني
بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•

جيت مهمومه واهل دمع الحزن
نظره يم عباس ارجاج  واون
زادت بكلبي المصايب ولمحن

علّه.  هدتلي المتن
اصرخ بحسره واون
رايده بچفچ دوه يشافيني
بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•

كفو منج انتي  ام المعجزات
ماتردي اليكصد الباب لنجات
اسمج ايشافي العلل كل الحيات

نايبات الهم  لفن
اصرخ بحسره واون
زايد بكلبي الوجع تدريني
بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•

اليدك  الباب  ابدن  مايخيب
بلسم اجراحات يااعظم طبيب
اتوسل وانخاج بحسين السليب

بصدره ذاك  المنطحن
اصرخ بحسره واون
نظره يم الكرم  لتخليني
بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•

رايده  تدعيلي عد رب العباد
ايصير عندي اوليد وافرح بالمراد
ابقه الكم خادم اشما عمري  زاد

بداعت اجروح الحسن
اصرخ بحسره واون
لوعتي وسط الكلب تاذيني
بجاه عباس البطل جبريني
┈$•┈┈┈•$✿$••┈┈┈•
┈$•┈┈┈•$✿$••┈┈┈•


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://www.tgoop.com/gddaogt

قصيده طلب حاجه لاام البنين عليه السلام

ندبه لاام. البنين عليه افضل الصلاة والسلام


اذا حالي اشوفه اتحير بأمره
لام عباس اصدن والحمد اقره

⊰᯽⊱┈──✾🍃❊✾╌─┈⊰᯽⊱

جزيت اهموم كثره وماتظل شده
اذا انخه الجليله كسري اتضمده
انه امعوده عليها وهاية من مده

هاي ام البنين الوفت الزهره

⊰᯽⊱┈──✾❊✾╌─┈⊰᯽⊱

زودج بالخلگ بيمن صدك ينقاس
تگضين الحوائج لو ألوف الناس
ماننساج لمن ندخل العباس

السلام اعليج من داخل الحضره

⊰᯽⊱┈──✾❊✾╌─┈⊰᯽⊱

الكرم ولزود منها ناخذه الليله
ولم عباس ننخه او. نعكد لشيله
وفيه وبالعطايه مجربه الكحيله

بس اندبها صدك ماتظل عسره

⊰᯽⊱┈──✾❊✾╌─┈⊰᯽⊱

للمهموم والمحتار والمظلوم
تگضين الشدايد مايظل محروم
واضح هالكرم يم الكمر للدوم

عطائج بالدهر للحاير ايظهره

⊰᯽⊱┈──✾❊✾╌─┈⊰᯽⊱

اقره بالحمد وطلب انه الحاجه
وقسم بالذبيح الكطعو اوتاجه
يم عباس الج هالروح محتاجه

رايد هالمسه من ايدج الجبره

⊰᯽⊱┈──✾❊✾╌─┈⊰᯽⊱

صحت ام البنين ودمعتي بعيني
عليج الاربعة امراد انه. انطيني
مليت الحزن ولهم مله سنيني

من ايدج اريدن اخذ الشره

⊰᯽⊱┈──✾❊✾╌─┈⊰᯽⊱

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://www.tgoop.com/gddaogt

قصيده للسيده ام البنين عليه افضل الصلاة والسلام 🍃

لا تحير بلوعتك وتبالي
انخه ام عباس شوف التالي
🍃🌿🍃🌿🍃

لون كلبك بالعلل والهم يصيب
توسل ام الكمر لا تكصد طبيب
هاي باب الحاجه ابجاه الحبيب

ماترد محتاج ام الغالي
لا تحير بلوعتك وتبالي
🍃🍃🍃🍃

الزمن شاهد عليها بالفضل
الحاجه من تنخاها ابدن ماتضل
ابكرمها الطاهره احتار العگل

بشارت ام عباس غيرت حالي
لا تحير بلوعتك وتبالي
🍃🍃🍃🍃

ماترد كلمن كصد ليها دخيل
باب للحاجات هاي ام الكفيل
ولكصدهه ماتفشله مستحيل

نخوت ام عباس بس تحلالي
لاتحير بلوعتك وتبالي
🍃🍃🍃🍃

اشلون دعوه الواصله اللوح العرش
ابمكارمها الارض هم تنفرش
بين كل مؤمن حوائجهه تطش

دكول بس الفاتحه اقرالي
لا تحير بلوعتك وتبالي

🍃🍃🍃🍃

اقره الها الفاتحه وشوف شتنول
بالكرم عطايه حيرتها العقول
ابزود ام الكمر التحب البتول

هالشفاعه امقسمه من العالي
لاتحير بلوعتك وتبالي
🍃🍃🍃🍃

بحر من الكرم مابين المله
الها ام عباس حيل مفصله
نالت اعظم مرتبه بطف كربله

بيتها من الزلم ظل خالي
لاتحير ابلوعتك وتبالي
🍃🍃🍃🍃

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
https://www.tgoop.com/gddaogt