#አ
#ት
#ነ
#ካ
#ኪ
#ኝ
#ይ
#ቅ
#ር

እንግዲህ ይግረምሽ....
ሺህ ግዜ ብወድሽ
ሺህ ብትመችኝም
ከሌለሽ የለሁም
ስቆርጥ አታውቂኝም ።

ነግሬሽ ነበረ...
በዘመን ስልጠና ፥ ልቤ ተገይዶ
የምታይው ገላ
ስሜቱ በጁ ነው ...ህንፀቱን ሞርዶ ።

እንዲም ብዬሽ ነበር
አንቺ ው....ል ባይልሽ ፥ የሚሆነው ሁሉ
በራቅሽበት ቅፅበት
ቆዳዬ ደንድኖ ፥ ይሸፈናል ቁስሉ ።

አውቃለው
የምልሽ....
አይገባም መሀሉ
ወይንም ተገልብጦ
ይሆን ይመስለኛል ፥ የሚታይሽ ምስሉ
ቢሆንም ....
ምን ግዴ
ሲገባሽ ነው እንጂ ፥ ካልታየሽ መውደዴ
አንችም እንዳመልሽ
እኔም እንደ እድሌ
የኔ ለሆነች ነው....የርሷ መሆን ትግሌ ።

......... #ካላስ_ቻው 👋👋👋👋


✍ አብርሀም_ተክሉ

@Abrham_teklu
@Abrham_teklu

ዛሬ አዲስ እና ሸግዬ የግጥም መድብል ልጠቁማችሁ ነው....ብዙ ታተርፉበታላችሁ

ገላና ገላ
✍ መላኩ ደምሴ

(በላይ በቀለ ወያ)
.
.
ክፉም ንጉስ መጣ
ደግም ንጉስ መጣ
ብቻ ግን ያልፋሉ ፣ ሁሉም እንደመልኩ
ይብላኝ ከህዝብ ጋር
ለሚጣሉ ህዝቦች ፣ መሪ እያመለኩ !!!

@getamiyan
@getamiyan

#ቴዎድሮስ_ካሳ
~
የለም ፥
አማሁሽ ለነፍሴ ህዋይ
ዘራሁሽ በፀፀት ሰማይ
ቃኘኹሽ በክፏ ሀሳቤ
ጣር ኾነ ፥ ሳቅሽ ለልቤ
የፀደይ ፊት የሚመስለዉ ፣ ብርሀን ገላሽ ጨለመኝ
ከነፍስሽ ስር የሚፈስሰዉ ፥ ቃል ልቦናሽ አሳመመኝ
አየ የእኔ'ና ያንቺ ነገር ተቋጨ ፥
ፍቅር አበቃ መሰለኝ !

@getamiyan
@getamiyan

......... ስሪት

አንቺዬ
ያዘዘለት ስጋሽ ፥ ጥፍሩ ይጠበቃል
ያዘዘበት እኔሽ
ጣትሽን እያየ ፥ በጣት መሄድ ያልቃል
አሁን ለዚህ ውበት ...የቱ ቃል ይበቃል ?

✍ አብርሀም_ተክሉ

@Abrham_teklu

Watch "የመንገድ ዳር ጥሩንባ - አብርሃም ተክሉ- - ጦቢያ ግጥምን በጃዝ #106-13" on YouTube
https://youtu.be/L3ifEpFES7s

Mele:
https://www.tgoop.com/joinchat-S_t0VGFGmP4WwZhC
(አዲስ የቴሌግራም ቻናሌ ነው እስቲ ግቡበት አትከፍሉበት🙄😂❤️)

ትርጉም !
(በረከት በላይነህ)
..
"አስቀያሚ፣
አሰጠሊታ ፣
መልከ ጥፉ፤
እንደ ደሀ ቀዬ መስቦችህ የረገፉ!

የማትባል እዚህ ግባ ፣
የሰው ፍራሽ ፣ ማማር አልባ!

ፊተ መአት ፣ ያመድ ክምር!
የጭራቅ ሳቅ ያይጥ ፞ ድምር
ባትታይም የማታምር! !!"

እረ ! ሌላም፣ ሌላም፣
ትልሀለች ብለው የነገሩኝ ለታ ፤
አቤት ሀሴት ፣ አቤት ደስታ!

ለምን ብትይ?

መልኬ ከሸለመሽ የማይሽር ጥላቻ ፤
ደስታ አሰከረኝ 'ስላየሺኝ' ብቻ


@getamiyan
@getamiyan

#መሸ_ደሞ_አምባ_ልውጣ
ግጥም :- ከብላቴን ጌታ አብዬ ፀጋዬ ገ/መድህን
አንባቢ :- ሲራክ ወንድሙ @siraaq

@getamiyan

_ ይኸው ነው _
© ሲራክ ወንድሙ
.
ያ ክፉ አመሏ ከሰው ....
ከባህል ልማዷ ባራራቃት ማግስት፣
እሷ እሷን ሳትሸት በሚወስዳት ወሃ
ልጫወት ያለች 'ለት፣
ኒሻን የመሰላት ትንፋሽ ቆራጭ ቀላድ
ወዲያ ሲሸመቀቅ፣
እውር እድል አምና ገባች ከመቀመቅ።
////////________//////////
© ሲራክ @siraaq

@Getamiyan

🙏🙏🙏 የገና መዋያ 🙏🙏🙏


@Abrham_teklu

#ላለፈ_ክረምት
ገጣሚ:- ጋሽ አበራ ለማ
አንባቢ:- ሲራክ ወንድሙ @siraaq
.......
ብቻ እንዲያው ብቻ እንዲያው ድፍን ቅል ሰበራ፣
ውኃ ማንቀዳበት ጥሬ ማንሰፍርበት የልጅ ቢጤ ስራ
መውደድም አንዴ ነው መጥላትም አንዴ ነው
ሲያስለን የሚኖር ትዝብቱ ብቻ ነው።
.....
@Getamiyan
@getamiyan

በእሾህ መንገድ መሀል
(በእውቀቱ ስዩም)

ያገሩ አየር ጠባይ
ቆላ- ወይን- አደጋ
ከላይ የሚያስፈራ፥ ከታች የሚያሰጋ
አጉል ነው መንገዱ
ቅፅሩም ሲገዝፍ ያድራል
በቁመት በወርዱ
እና ምን ይጠበስ?
የማይቆም ጅረት ነኝ፤ የማይቀለበስ

ቢገፏት ቢያዳፏት
ከቅርንጫፏ ጋር የማትነጣጠል
በወጀብ መሀከል ፥የምትደንስ ቅጠል
እንደዚህ ነኝ እኔ፤

ምቾትስ ለምኔ
ቀይ ምንጣፍ አያምረኝ
ይመስገን ዘመኔ
በእሾህ መንገድ መሀል፤ መጉዋዝ ላስተማረኝ

@getamiyan
@getamiyan

🍋የዋርካ ስር ጤዛ 🍋🍋
🍋🍋🍋🍋🍋🍋🍋
........... ©ሲራክ ......
በእለተ ከተራ ፥ በበዓል ዋዜማ፣
አደባባይ ሳይሽ ፥ ደምቀሽ በሃገር ሸማ ፣
ወርውር ወርውር አለኝ ፥ ሎሚውን ግዛና፣
ሎሚ ሻጭ ፈለግኩኝ......
ጎዳናውን ሙሉ ፥ ስዞር አመሸሁኝ።
በጥምቀተ ባህር ፥ ህዝብ ሁሉ በሆታ ፣
እያጨበጨበ ፥ ታቦቱን አጅቦ ሲገባ በእልልታ፣
ማጨብጨብ ተስኖኝ ...
እልልታ ጠፍቶብኝ...
ሎሚ ፈልጋለሁ ፥ ከአይኔ ሳትጠፊብኝ።
ይኸውልሽ ውዴ ....
አትታደል ሲለኝ ፥ ቢጠፋ ነው እንጂ ..
እድሌ ባይቀና ፥ ብኩን ብሆን እንጂ..
ከአስራ አምስት ቀን በፊት ፥ ለጨዋታ ብዬ ፣
ለገና ጨዋታ ፥ ለአሲና ገናዬ ፣
ዱላ እየፈለግኩኝ ፥ ከጫካ ገብቼ ፥
ሎሚ ጨፍጭፌያለሁ ፥ ዛፉን ተመኝቼ ።
እድል እንደዚህ ናት ፥ የዋርካ ስር ጤዛ ፣
ይኸው እኔ ዛሬ ፥ በዋዛ ፈዛዛ፣
እልፍ የሎሚ ዛፍ ፥ ጨፍጭፌ ሳበቃ፣
አንድ ሎሚ አጣው ፥ ለአንቺ የሚበቃ ።
አዬ እድል እያልኩኝ ፥ ከወደ አመሻሽ ፥ ከቤቴ ገብቼ ፣
ሎሚ ዛፍ ተከልኩኝ ፥ ለዓመቱ አስልቼ ።
እስከዛ ግን አንቺ .....
ሎሚ ወርዋሪዎች ፥ በሌሉበት መንገድ
ሂጂልኝ ግድ የለም፣
ዘንድሮን ያለፍኩት ፥ ሎሚ ቢጠፋ እንጂ...
ፈርቼስ አይደለም።
ወርውር ያለኝ ልቤ .....
ተግቶ ተሰናድቶ ፥ ዓመቱን ጠብቆ፥ በእለተ ከተራ ፣
እመጣለሁ ብሏል ፥ ከአስር ሎሚ ጋራ።
🍋🍋🍋🍋የዋርካ ስር ጤዛ 🍋🍋🍋🍋
--------- ሲራክ ወንድሙ @siraaq

@getamiyan
@getamiyan

ተጋበዙልኝማ ይሄን ❤️ የወዳጄን ❤️ በኩር ልጅ
#ሰው_ፍቅር_ናፍቆት ( ዳግም ሄራን ) በተገኘበት ይነበብ !!!

@getamiyan

#የለም
ገጣሚ ቴዎድሮስ ካሳ
አንባቢ #ሲራክ @siraaq

@Getamiyan
@getamiyan

አጭሬ ፭ የአጫጭር ግጥሞች ስብስብ
.
የገጣሚ :- በዕውቀቱ ስዩም
የገጣሚ :- በረከት በላይነህ
የገጣሚ :- ዲበኩሉ ጌታ
የገጣሚ :- ኤፍሬም ስዩም
.......... #እና
የገጣሚ :- መዘክር ግርማ
ግጥሞች ተካተውበታል
አንባቢ ሲራክ @siraaq
@Getamiyan
@getamiyan

ንቅለ ጉልቻ

ያልባረከው ትዳር ... ሲጋፈጥ መዘዙ
አወይ እባብ ...ጣሙ
ካልተገዳደሩ
መች ይወጋል መርዙ...
ይመስገን አደቤ
አንችን አየው ከይሲ ፥ ታዘብኩሽ በብዙ ።

ካዝማዴ ተጣላሁ ፥ ተፋታሁ ከስጋ
ነብስ አባቴ ሳይቀር ፥ በእጁ ጆሮ ዘጋ
ጩኸቴን ቀምተሽ ፥ አነባሽ በነጋ
እራሱ ገረፈ ... እራሱ ተናጋ
በሚል አጭር ስንኝ እውነቴ ተለጋ ።

አበምኔት ያረገሽ ፥ ወዳጅ ግትልትሉ
የጠላሽ ይጠላ ፥ የረገምሽው ይሙት ፥ ሲሉ ተከተሉ
ባልሽ አፈር ይብላ
ድንጋይ ይንተራሰው
ብላችሁ ፀልዩ ፥ ስትይ የሰማሰው
ሲሞት እንዳይገድሽ... አገር ምድሩን ማሰው
የኔ ያልኩት ሁሉ ፥ መደፋት ሲደርሰው
ወዝና ስጋዬ እየተሞዠቀ ፥ ጅማት ሰጠሁ ለሰው
ከደም ጠፈጠፌ ፥ አገሬው ደረሰው
እንዲህም ሆኖ ግን ...
ለምነው ማትሞተው ... ይለኛል አላፊ
እላለሁ መልሼ ፥ ለዚህ ተላላፊ
ቀኑ ያልደረሰ
ሰው ለሞት አይወድቅም ፥ እንኳንስ ለጥፊ
ታሪክ ለድምቀቱ...
ማሰለፍ ይወዳል ፥ አጥፊውን ከጠፊ ።

ከለታት ባንዱ ቀን
እገሌ ከገሊት ፥ ተጋብተው ነበረ
ሲኖሩ ሲኖሩ ፥ እሷ ስትወደው ፥ ይገፋት ነበረ
ትላንት የነበረ ፥ ዛሬ በቀን ሻረ ፥ በለት ተቀየረ
እንዲህ ሆነች እሷ ፥ እሱም እንዲህ ቀረ
ያባብላል ወራት
የገንፎ ላይ ስንጥር ፥ የጎን ላይ ውጋት
ሁነሽኛል መቼም
ለግፍሽ እርግጫ ፥ ለበቀልሽ ቼቼ
አልጥልሽም ከቶ ፥ ባንቺ ቀን ታግዬ ፥ በሸንጎሽ ሞግቼ
ድሌን እሽታለው ... እሳት ላይ ተኝቼ
ምሳሩ ቢበዛ ፥ እውነቴን ላይበጥስ ፥ አምናለሁ በርትቼ
እስከቀኔ አልፋለው ፥ ቀኜ ሲዝልብሽ ፥ ግራዬን ሰጥቼ ።

ይሄም ሆኖ ግና...
አይንሽ ደም ለውሶ ፥ አንዴ ሰክረሽ ለኔ
ጎንጉነሽ ጎንጉነሽ ፥ ግፍና ኩነኔ
ያዘዘልሽ አልቆ ፥ ያዘዘው እስኪደርስ
እንባና ለቅሶዬ ... ገደል ልብሽ ላይደርስ
ሸለል በይ ካብ ለካብ
ተሳቢ ... በዲቡ
እስኪጥልሽ እጄ ... እስኪክሰኝ ፀቡ ።

አብርሃም ተክሉ

@Getamiyan
@getamiyan