tgoop.com/ggggyyyii/4827
Last Update:
زينب** خلص عمرهه باالسبي
زينب** متربيه با احظان النبي
يلمهدي متهون*جاليش متجون
مسبيه زينب *مسبيه زينب
@@@@@@@@@@@@@
خلص العاشر وابتدت محنتهه
اوخلت حزنهه صيغته صفنتهه
والدمعه تنزل دم عله وجنتهه
من الأهل كطعتهه كل ظنتهه
كالت اهل ميردون
لمن صحت ميردون
مسبيه زينب *مسبيه زينب
@@@@@@@@@@@@@
بين الشمر والكافل اومتحيره
والوادم اتكلي اشو متغيره
وانه اعله خدي دمعتي متفيره
وي الغرب عكب الكفل متسيره
وي غربه ياربي اشلون
مخطوف من عندي اللون
مسبيه زينب *مسبيه زينب
@@@@@@@@@@@@@
طاح الكفيل الجان رفعت راسي
اتباهه جنت ابين اهلي اوناسي
وافتخر لوناديت ياعباسي
لمن وكع عباس هدم ساسي
عدونه بس أيحومون
اوبطفالي بس ايطكون
مسبيه زينب مسبيه زينب
@@@@@@@@@@@@@
حسين اخيي سلبوهه اهدومه
بين الحوافر خربوهه أرسومه
عجه اوصهيل الخيل ماكو اعلومه
مكسوره كل اظلوعه مابيه كومه
أطفال شفت ايركظون
لحسين عود ايفزعون
مسبيه زينب مسبيه زينب
@@@@@@@@@@@@@
كالولي باجر لازم انتي اتروحين
كتلهه ياروحي لزوم اتنوحين
والكلبه من الصخر كون اجرحين
ابونج أسمعه الحادي كال أتلحين
كلمااطيح ايضحكون
العباس اخته أيصيحون
مسبيه زينب مسبيه زينب
@@@@@@@@@@@@@
احتار لوكالولي راح انطب سوك
تدرون ياهل الوادم أبركض النوك
والناس تنشد هاي ياهيه الفوك
بس للشماته الناس جايبهه الشوك
بيه الخلك يشمتون
اوبحسين اخيي ايشتمون
مسبيه زينب مسبيه زينب
@@@@@@@@@@@@@
طبة المجلس هاي صعبه اعليه
يلمهدي عمه ابطبتي افزع ليه
أيموتن يعمه امن الفشل رجليه
أكلوب التلاكيني ابحقد ممليه
ياعمه لاميرحمون
ايكولون بجوهه ام عون
مسبيه زينب مسبيه زينب
@@@@@@@@@@@@@
يلمهدي عمه الصار ابد ما ينكال
موش الحمل بهله يعمه اوينشال
جسمك يعمه لواسولف ينحال
الي ايموت بيد اهله ترابه ينهال
اتراب الكبر وايهيلون
نعشه الغرب ميشيلون
مسبيه زينب **مسبيه زينب
@@@@@@@@@@@@@
عبد المسبيه
الشاعر جعفر الطائي
BY جعفر الطائي
Share with your friend now:
tgoop.com/ggggyyyii/4827