tgoop.com/ghad1984/1593
Last Update:
جربة العباس[ع]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس الیعرفونها
حارو إبيا منقبه يوصفونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بجربة العباس أكثر من صفه
بيها ودّ و إحترام و عاطفه
وبيها بيعة وفه لال المصطفى
بالبصائر شيعته یشوفونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس چانت مدرسه
بيها طب و كبرياء و هندسه
وبيها أحساس الوفي يتحسسه
جربة لكن كلشي في مضمونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس يفهمها المُلِم
لأن صعبه وبيها من كلشي قسِم
تحوي زود ووفه وإيثار وعزِم
و بيها بعد أقسام ما يدرونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بجربة العباس يتلاگه ألعجب
راح أوضحلك جزء ألسبب
تدري صوّبها السهم لكن رسب
ونجحت أهيه بعين اليقيمونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس چانت مُعتمد
بينت معنى الأخو وكت الشدد
وبيها بين مستوى أهل العُقد
شربه للأطفال و يمنعونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس تنضح عاطفه
رغم ما يمشي بغضب كالعاصفه
كالبراكين الغضب وي الوفه
تلاگن و حلفن أن يصونونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس صارت ملحمه
برودة الماي و ينيران الضمه
بحومة الميدان وكت الموزمه
الخوة حكمت واظهرت مكنونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جربة العباس كالغصن الندي
بالمشاعر بأبو فاضل تقتدي
حتى من صوبوها صاحت سيدي
وصوب صوت حسين تجري عيونها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ألشاعر
جهاد ألبصيراوي
BY الشاعر جهاد البصيراوي
Share with your friend now:
tgoop.com/ghad1984/1593