tgoop.com/ghad1984/1596
Last Update:
[[💔قصيدة للسيدة زينب _ع_💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
زينب على التل شابچه ايديها
تسمع ونينك بس شيوديهـــــا
چانك عدل يحسين أشرلي بالإيدين
ترضى حريمك شمر يحديها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
زينب على التل شابچة العشرة
تسمع ونين اخوتها عالغبـــــرة
الخلصو هله يضل حاير بامره
والي فگد اهله فكد عمـــــــرة
وين أجمع الايتام ماضلت النه خيام
ويمك رقية تريد اوديهــــــــــا
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
لو گتلي زينب كافلچ وينـه
خويه بخيامي واسمع ونينه
صوّب دليلي سهم البعينـه
ودعني سكته بلايه چفينـه
صعبة عليه لوداع وچفينه فوگ الگاع
وإخت الغيور بعينه يفديها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يم الشريعة خابت امـــــالي
چي ما اشوفن بيرغه العالي
الحگ علي گتله يكفـــــالي
رد المهر يم الخيم خالـــــي
يمشي المهر ويطيح وياللهظيمه يصيح
من أمةٍ(ن) ما رعت هاديهــــا
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يابو المحنه واصل المروه
جابتني يمك ريحة الــخوه
وعنك اذا امشي ترى گـوه
بعدك يخويه دهري شسوه
چانك تعرف الصار الحگلي طفي النار
حرمه ووحيده شلون اطفيها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
كونك عدل جاوبني يبن امـــي
بصوتك يخويه يزول كل همي
لا انته لا عباس ظل يمــــــــي
بنار العدى تتلاهب خيمــــــي
محتاره بين ثنين بين الخيم وحسين
منهو الاخلي ومنهو أبديـــــها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
صعبة السكن گلبي اودعـنه
وبين التراب وخيل اعوفنه
گتله يخويه بطل الونــــــه
اقسم عليك بفاطمه وجدنـه
بطل يخويه ونين ذاب الگلب يحسين
وجروحك انه بروحي اداويها
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
للشاعر
جهاد البصيراوي
BY الشاعر جهاد البصيراوي
Share with your friend now:
tgoop.com/ghad1984/1596