tgoop.com/ghad1984/1602
Last Update:
[[قصيدة للعزاء الحسيني]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(عزائنا عزائنا ) والدمعه الك سچابه
(ندائنا ندائنا ) آيـحســين ومـصـابه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(تبكيك عيني) سيدي مو للثواب
(لكنما تجري) دمع من المصاب
(في كربلا) من دمك ابتل التراب
(فكيف لا) أبچي على ذاك الشباب
(أرواحنا أرواحنا ) ضلت تحوم إبابه
( نـدائنا نـدائنا ) آيحسين ومصابه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(تَجري دموعي) سيدي وما ادري ليش
(عيني )قيادة والدمع التأمره جيش
(عاشت قلوبٌ )حبــك بنــصها يـعيش
(مـنك تعلــمتُ) رفــض ذل المــعيش
(آمالنا آمالنا ) نوصل نقبل أعتابه
(ندائنا ندائنا ) آيــحسين ومــصابه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(شابَ خيالي) من توقعت الطفوف
(هذا حسينُ) الطايح ابين الألوف
(ياكــربلا مــاذا) لـون جــدّه يـشوف
(حبيبهُ ) إمگــطع أبــين السيـــوف
(بُني أنا بُني أنا ) گلبي نجرح بأحبابه
(نــدائنا نــدائنا ) آيحسيــن ومــصابـه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(ما إن نضرت الماء) الا وودمعي سال
(كأننــي) بعبــاس مــن عـاف العـــيال
(ذابت ) رقيه من العطش صارت خيال
(خافــت ) فنــادت بطــلت عــمي تـعال
(عم هاهنا عم هاهنا )إشگف لابويه صوابه
(نــدائنــا نـــدائنــا) آيحسيــن ومصـابــه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(في المشرعه) صار الذي لا ما يصير
(عباسُ جــاءَ) والگلـب يــلهب ســعير
(مــا شربَ )وهــمّه يــوصلــه للاســير
(ينتـحرُ الـمـاءَ ) لـون عنده ضـــميــر
(فراتنا فراتنا ) وأبرز علينه نيابه
(ندائنا ندائنا ) آيحــسين ومصابه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
(وأختهُ نادت ) يبن أمي الغريب
(عليكَ أقسم) بأبو الزهره الحبيب
(يانور عيني) لو عدل فدوة أجيب
( فجيشهم)ُ خويه على خيامي گريب
(إني أنا إني أنا) حرمه بخيم لهابه
( ندائنا ندائنا ) آيحسين ومصابه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
✨️ملاحظه:مابين القوسين (فصيح)✨️
✨️وإن شاء الله موزون ومنسجم✨️
شاعرها
جهاد البصيراوي
BY الشاعر جهاد البصيراوي
Share with your friend now:
tgoop.com/ghad1984/1602