tgoop.com/ghad1984/1610
Last Update:
[[قصيدة للخدمة الحسينيه]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أللهم إني خادمٌ(ن) لفاطمه
اللهم إني خادمٌ(ن) لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أنه تربية المجالس والونين
أنه علمني محرم عالحنين
تنطوي ألايام وتمر السنين
وهالمجالس عامره بذكر الحسين
ربي بهالمجالس.....عمري اريدن أختمه
أللهم أني......................خادم(ن)لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أنه من أحيي شعائر مذهبي
قربةً(ن) لله وحباً بالنبي
ما نبطلهه غصب عالناصبي
الا نسبي الصرح بأمر السبي
تبقى هالشعائر.................للقيامه قائمه
اللهم اني ...............خادم(ن) لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يا حسين أنته الشفيع لهالعباد
ما يكفيلك شهر اعلن حداد
يمن مطرتلك دمه سبع الشداد
كون حتى بعيدي البسلك سواد
عمري مايكفي.............لو گضيته بماتمه
اللهم إني......................خادم(ن)لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
آني اتنفس جنان بماتمك
يلي ما عالم يشابه عالمك
أنت بس أنت التتوج خادمك
ربي يجعلني سلم للسالمك
وألي يعادي حيدر......فسُيجزى الحاطمه
أللهم إني.......................خادم(ن)لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أمي من زغري و تعلمني اللطم
تگلي الما يبچي لمصابك جُرم
بجاه زينب أختك الشافت هظم
ياحسين من امي ماريد أنحرم
هي العلمتني................أنت حسن الخاتمه
اللهم إني.........................خادم(ن)لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
چني أسمع صوت أبو اليمه يصيح
صوت للعالم وصل من الضريح
أي وحك الظل على الشاطي طريح
أنه أشفع للينادي يالذبيح
وألي دومه يلعن.................بالعصابه اﻵثمه
اللهم إني..........................خادم(ن)لفاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم
[[فاطمة عليها السلام]]
{جهاد البصيراوي}
BY الشاعر جهاد البصيراوي
Share with your friend now:
tgoop.com/ghad1984/1610