tgoop.com/ghad1984/1616
Last Update:
[[قصيدةعن عظمة ومقام وخدمة الحسين ..ع..]]
ملاحظه في المستهل
(الأخرى )بسكون الخاء وليس( الآخره)
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين العِــبره........حسين العَبره
حسين الاوله.........حسين الأُخرى
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عبره حسين لكلمن نادى .... بالحريه بإستشهاده
والرايد يسترجع حقه ....بلا نقصان بلايه زياده
ياخذ من حسين الفكره ..ضد الباطل وأستبداده
كل ثائر منك يتعلم ..بيده شلون يخط أمجاده
واليتعلم ............. مايتندم
للحق معلم ..... أسمك ثوره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
والعبره الرايد يجريها ....... أيامك يگعد يحييها
يسمع ينظر يكتب يلطم...كل خدمه هناك مسجليها
والمايگدر يعمل كلشي ........ أميهيوزعها و يهديها
العندةويحسين ازغرموقف اجره الجنة ويبشربيها
اليگعد عنده ........ الله يوده
بهاي النعمه .... يخلص عمره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شفت الوادم كلمن حبه ..محبوبه وبي شاغل گلبه
قررت آنه اتغير عنهم ....حب خاص ومابدل دربه
وهواليتحكم بحساسي سلمي لسلمه وحربي لحربه
حبي حسين و مابدلنه ....ومن شتاگ اشتم التربه
ومن اشتمها..........وبيدي الزمها
داخل چني .......وسط الحضره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مامحتاج وأملك كلشي ...ثروه ووارثها من جدادي
لا مال ولا جاه الاقصد ...حب حسين وليد الهادي
امي الغذتنيها وگالت ...... واجب احفظها لاولادي
والوالد لو گام ويكعد ..يحسين هو بحرگه ينادي
صوته بإذني.........إسمع يبني
أرفع راسي............يم الزهره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
واليبچي ويصرخ ياحيدر ...يصرخ يافاطم ماجوره
ألزهره اتجاوب دمعاتك .....محفوظه بهاي القاروره
أمن يوم الخوف الاكبر ....كل دمعه التنزل منظوره
تجري عيونك لجل وليدي؟ بالجنه عيونك مسروره
يم الكوثر................ما تتعثر
اليخدم حيدر.....بيده يعبره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
كلمن ينصب ماتم لبني .....بالخدام مسجل إسمه
وهناك اناوحيدر نشفع ..منخلي النار تمس جسمه
وألي الزاد أبين عياله ......وبين الماتم هو يقسمه
يوم المحشر مايتحير يعبر وأمره بسرعه نحسمه
أليطلب ونه.........ياخذ جنه
دين مسجل ......كلمن أجره
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الحسين (ع)
جهاد البصيراوي
BY الشاعر جهاد البصيراوي
Share with your friend now:
tgoop.com/ghad1984/1616