tgoop.com/ghad1984/1661
Last Update:
[[قصيدة للحسين ❤️: ]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بالقيامه حسين لا تنساني
سجل اسمي وخدمتي وعنواني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خدمتك يحسين ابد ما تنوصِف
طِلبتي دموعي عليكم ما تجِف
النور في وجه اليخدمك ينعرف
نوره من رب السمه رباني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
انا تربية المجالس من زغر
امي نذرت واجب إنوفي النذر
اخدم آل البيت والعن كل شمر
وعله هالخدمه الابو رباني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فاطمه فدوه العمر لاولادچ
خادم الهم أبقى و لأحفادچ
امرادي الجنه و أريد مرادچ
وأنتِ باب المغفره السبحاني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وأطلب من الله حسن الخاتمه
على حب حسين عمري يختمه
اگضي كل عمري اريد بمأتمه
ويبقه صوت حسين في وجداني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ادري بمكان الذي والاكم
بالقيامه يزيد قدره وياكم
سيدي خاب الذي عاداكم
فاطمه تكتب عليه جافاني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
واليجافي فاطمه ماله مفر
سوء عاقبته يكملها بسقر
ابن مرجانه و یزید الی کفر
ومن گبلهم الاول ويالثاني
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
BY الشاعر جهاد البصيراوي
Share with your friend now:
tgoop.com/ghad1984/1661