tgoop.com/ghad1984/1666
Last Update:
[[💔قصيدة لأستشهاد العباس ..ع..💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حين جاء الحسين لمصرع أخيه العباس
إنحنى عليه باكياً وقد وضع يده على خاصرته
وبالأخرى كان يمسح الدم والتراب عن وجهه
كأني به يقول له :
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
من إجيتك..من إجيتك.. كل جرح حسيته بيه
عاينيتك ... عاينتك ... منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه فگدك هد جميع أركاني
يا عمود الي رفع بنياني
وليه صارت و العدو حاطاني
وصل حد مخيمي وصيواني
ظلمه بيتك.. ظلمه بيتك.. چن عمود الراس بيه
عاينيتك ..... عاينتك....... منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
چنت إيدي وعيني البيها أشوف
من وجودك چانت تخاف الالوف
وسفه يا زلزال أراضيها الطفوف
بلايه جود بلايه رايه بلا چفوف
يكفي صيتك.. يكفي صيتك.. چان راهب آل اميه
عاينيتك .... عاينتك .........منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يگله يحسين اليسار و يمنتي
الك يحسين ورخيصه مهجتي
خلني بمچاني اريدن طلبتي
ما اسدر للخيم من خجلتي
واعديتك... واعديتك... أروي سكينه ورقيه
عاينيتك .... عاينتك... منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عندي وصيه انه من ام البنين
انطي كلشي هي گالت للحسين
ضحي بچفوفك اله واهديله عين
الما تجيب الماي گطعها الايدين
حذريتك ...حذريتك... يمه لا تنسى الوصيه
عاينيتك..... عاينتك...... منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
حسين گله والنعم للجابتك
امي اعرفنها اصيله و ربتك
لكن خيامك تناطر رجعتك
شراح أجاوبها لرقيه التانتك
تنطريتك ...تنطريتك ....نادت الحره الابيه
عا ينيتك... عاينتك ....منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه عوف الماي صاح إحساسي
وكلها تعرف هالخدر عباسي
راح سور البي أشيلن راسي
خويه أحس صاب العمد نص راسي
من نخيتك ..من نخيتك..خويه من غصباً عليه
عاينيتك ..... عاينيتك .... منظرك يصعب عليه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
[خادم قمر العشيرة ع]
جهاد البصيراوي
BY الشاعر جهاد البصيراوي
Share with your friend now:
tgoop.com/ghad1984/1666