tgoop.com/ghsahdhossinyat/30508
Last Update:
#حصرياً
لطمية للزهراء عليها السلام ( ذب العمامه )
ذب العمامه وينادي حيدره
اشلون اودي ام الحسن للمگبره
🏴🏴💔🏴🏴
ايدي تگصر لو شلت تابوتها
مات حيلي من سمعت بموتها
اليوم حتى البيت فاگد صوتها
تعمي العيون المباني امكدره
🏴🏴💔🏴🏴
تعمي العيون المباني مظلمه
ذب العمامه ويون حامي الحمه
ايساعده الله اشلون يدفن فاطمه
عالنعش مكسور ضهره وخاطره
🏴🏴💔🏴🏴
ضل علي الگرار محني عالنعش
مايريد البيت بعيونه وحش
عمرچ يگلهه يزهره اثمنطعش
وينچ اوين اللحد يالطاهره
🏴🏴💔🏴🏴
باللحد شلچ ومو مالت لحد
ياحديثه وعمرچ ابعمر الورد
گلبي مايصحه تكسر وانمرد
كسر البگلبي چبير شيجبره
🏴🏴💔🏴🏴
كسر البگلبي چبير ولايطيب
غير بس النوح فگدچ مايجيب
والحبيب اشلون لو ودع حبيب
ودعيتچ والدمع فاض وجره
🏴🏴💔🏴🏴
ودعيتچ والدمع فاض وهمل
بعده للعشرين عمرچ ماكمل
والحسن گاعد اباب المغتسل
ينحب وزينب حزينه وحايره
🏴🏴💔🏴🏴
زينب اتنوح ومناحتهه بهضم
صاحت امي افراگهه يلوح العظم
نلطم اوياها ولايگضي اللطم
وكل عزه اويانه العقيله حاضره
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍الشاعره العلويه هجران الياسري (بنت المله ام هجران العمارچيه)*
*صاحبه ديوان📚شفيع الآخرة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
BY القصاید النسائیة
Share with your friend now:
tgoop.com/ghsahdhossinyat/30508