tgoop.com/ghsahdhossinyat/30520
Last Update:
قصيده ثقيله للام
مهداة لسيده الزهراء عليها السلام
وياج حلوه الكعدات ،،،وذيج اليالي الحلوات*
*يا يمه ماظن تنعاد. يا يمه ماظن تنعاد*
شيعودهه الامه بعد. يا يمه وترد لينه
وبالبيت حلوه الوالده. اتصبحنه وتمسينه
كلها حنان وعاطفه. ومن ايدهه اتعشينه
راحت غفل ماظن تجي. وماظن تعود علينه
*وظلت عكبهه الحسرات. وذيج اليالي الحلوات*
مثل الحلم ذاك النزل. وبالله شيعود احبابه
وترجع اله ناس المشت وتوكف بعد يم بابه
راحت اعزاز وما ترد. وماظن تجيه غيابه
يا بيتنه ظلمه صفه. ويوحش الفكد أصحابه
وتلوكله بس ونات. وذيج اليالي الحلوات*
بس الحزن لايگ تره . يا بيت اهلنه ونوحه
ما ينگضي للموت ابد. التنزف بعمره اجروحه
المن يظل المنكسر. وللموت شيع روحه
وكل يوم مصباح اليمر. نفسه بحزن مجروحه
*يعيش السنين الصعبات. وذيج اليالي الحلوات*
الكعدات وياج انكضت. كل عشره فليتيهه
وسنينه اخلافج حزن. من رحتي خليتهه
وتنعاد ردنه ايامنه. والبيتنه اترديهه
وكلوبنه الشبعت قهر. ياريتج اتشوفيهه
*شبعت اخلافج هظمات. وذيج اليالي الحلوات*
تنعاد هيهات وترد. ذيج السنين الحلوه
راحت غفل منه وبعد. انشالت وياج العشره
ونشتاك الج يمه ونحن. ونروحلج كل فدوه
يالرايحه وانتي الكلب والعمر ظل شيسوه
*وظل العمر للكسرات. وذيج اليالي الحلوات*
*لخادمة الزهراء العلويه ام جعفر*
💔💔💔💔💔💔💔💔💔💔💔💔💔💔
الناشر // عالي مقامي
غير مبري الذمه يحذف اسم الناشر من القصيده
BY القصاید النسائیة
Share with your friend now:
tgoop.com/ghsahdhossinyat/30520