tgoop.com/ghsahdhossinyat/30664
Last Update:
لطميه للعباس ع
لا تظنين يزينب لا تظنين
اترك حسين عضيدي اترك حسين
بغير ماتنخيني مااعوف حسيني
لا تظنين يزينب لاتظنين
.......
شلون اعوف حسين وحده هذا موطبع الغيور
راح اصولن عالمعاره بشري يابنت البدور
وداعت اعيونج يزينب اله اخلي الطف يفور
نضري بعيونج عليه وشوفي هدات الصكور
بالوفه تعرفيني مااعوف حسيني
.............
انه من طبعي وفائي وشال بيده الرايه
من الزغر حبكم رضعته بدرت الوفايه
جانت اتكلي الوفيه حسين يبني الغايه
وحضر يوم الي التريده وتندعيله هوايه
جانت اتوصيني مااعوف حسيني
...........
جنت من زغيري يزينب احلم بطف كربله
وارسم الصوره بخيالي بيدي اروي العايله
شايل الرايه عالمتني وصوت ناده ياهله
حسين يندهني ابوفاضل ضعني انته اتكفله
خادمك وبعيني مااعوف احسيني
............
مااعوف حسين وحده وانه خادم للبتول
شنهي عذري يالعقيله باجر اكبال الرسول
ابد مايخلف وعوده ابوفاضل من يكول
وبيميني اجيش ارده لويهد مثل السيول
لوهوت جفيني مااعوف حسيني
............
لايهمج يبت عودي كومي مسحي دمعتج
انه روحي يالعقيله اشكد رخيصه الخوتج
هذا ابوفاضل عضيدج مايتاني نخوتج
ينتخي من غيره نخوه ضني خويه بهيبتج
ناذر انه اسنيني مااعوف حسيني
.✍ام زينب كربلاء غير مبري الذمه من ياخذ الكلام وينسبه له او يحذف الاسم
BY القصاید النسائیة
Share with your friend now:
tgoop.com/ghsahdhossinyat/30664