tgoop.com/gippokamp/343
Last Update:
#Xirurgiya #Kardiologiya
Uyqu arteriyasini stentlash
Ushbu amaliyotdan maqsad: Qon tomirlaridagi pilakchalar va tromblar bilan bog'liq bo'lgan insultning oldini olish.
Odatda uyqu arteriyasi stenozi tashxisi Ultratovush tekshiruvi asosida qo'yiladi. Lekin xirurgik yondashuv uchun tomirlarning aniq anatomik holatini bilish maqsadida KT yoki MRT angiografiya qo'llaniladi.
Aslida uyqu arteriyasi stenozi standart Karotid endarektomiya operatsiya usuli bilan pilakchalarni fizikal olib tashlash orqali amalga oshiriladi. Biroq, bemor ilgari bo'yin sohasida jiddiy operatsiyalar o'tkazgan bo'lsa yoki kuchli radiatsiya qabul qilgan bo'lsa, yurak va o'pka bilan bog'liq kasalliklari mavjud bo'lsa yoki pilakchalar kirib borish qiyin bo'lgan joyda joylashgan bo'lsa ushbu operatsiya usulini qo'llash xavfli yoki qarshi ko'rsatma bo'lishi mumkin. Shunga ko'ra standart Karotid endarektomiya operatsiyasini o'tkazish imkonsiz bo'lgan hollarda kam invaziv bo'lgan Uyqu arteriyasini stentlash amaliyotini qo'llasa bo'ladi.
Uyqu arteriyasini stentlash amaliyotining kamchiligi:
- Amaliyot jarayonida pilakchalar bo'lakchalarining ko'chib, insultga sabab bo'lish ehtimolligi nisbatan yuqori ekanligi (~4%).
Bu kamchilikning yechimi sifatida hozirda yangi qo'llanilayotgan gibrid usul «Trans–Carotid Artery Revascularization (TCAR)» Trans-Uyqu arteriyasi revaskulyarizatsiyasini misol keltirish mumkin. Bu usulning insultga sabab bo'lish ko'rsatkichi kamroqni (~2%) tashkil qiladi ya'ni ochiq jarrohlik usuli bo'lmish Karotid endarektomiya operatsiyasi kabi.
Shu o'rinda bir savol: Nega aynan bemorni bo'yin sohasida oldin o'tkazilgan operatsiyalar yoki nur terapiyasi qabul qilgan bo'lsa, standart Karotid endarektomiya operatsiyasini o'tkazish xavfli yoki qarshi ko'rsatma bo'lishi mumkin? Fikringizni izohlarda qoldiring.
Kanalga obuna bo’ling 👉 @Gippokamp
