Бүгүн Дьокуускайга В.П.Ларионов аатынан "Инникигэ хардыы" өрөспүүбүлүкэ эдэр чинчийээччилэрин XXIX научнай-практическай конференциялара саҕаланна. Тэрээһин үөрүүлээх аһыллыытыгар СӨ Ил Дархана Айсен Сергеевич Николаев кыттыыны ылла. Өрөспүүбүлүкэ араас улуустарыттан 1610 оҕо кыттар. Ол иһигэр биһиги улуустан 44 эдэр чинчийээччи баар. Бүгүн стендэ иннигэр дакылаат көмүскээһинэ, "Уопсастыбаннай талан ылыы" куонкурус ыытылынна. Бастакы түһүмэҕи ааспыт оҕолорбут сарсын публичнай защиталара буолуоҕа. Оҕолорбутугар ситиһиилэри баҕарабыт!