tgoop.com/goodwoman/114816
Last Update:
ده إختبار لقلبك!
إختبارك دايمًا هيجي في أكتر حاجة قلبك متعلّق بيها..
لحظة إختيار ما بين التسليم لأمر الله أو التمُسك بشيء زائل!
ربنا سبحانه وتعالى لما قال لسيدنا موسى :{وَمَا تِلْكَ بِيَمِينِكَ يَا مُوسَى} #سورة_طه
كانت الإجابة من سيدنا موسى :" قالَ هِيَ عَصايَ
1️⃣أَتَوَكَّأُ عَلَيها
2️⃣وَأَهُشُّ بِها عَلى غَنَمي
3️⃣وَلِيَ فيها مَآرِبُ أُخرى".
سيدنا موسى عدد في فوائد العصا وأهميتها بالنسبه له فكان إختباره مباشرة فيها
(( قالَ أَلقِها يا موسى )).
سيدنا #موسى عبّر إن العصا بالنسباله مكان يتسند فيه وحماية..
وربنا خلقنا عشان يكون توكلنا عليه وحده سبحانه..
وهنا إختبارك لما القلب يتعلّق قوي لو ماقررتش تتخلّى بمزاجك، هتُختبر فيها..
قلبك مش وظيفته يتعلّق بالدنيا ولا بالناس..
يقول #ابن_تيمية"والقلب إنما خُلق لأجل حُب الله تعالى"
حاجات كثير في حياتك بتحبّها وربنا هايقولك ارميها وسيبها من حياتك عشان ماتتعلّقش بزيادة..
سيدنا موسى استسلم لأمر الله فورًا ((فَأَلقاها))
(( فَإِذا هِيَ حَيَّةٌ تَسعى )) اتغيرت من حاجة بيحبها مايقدرش يستغنى عنها لحاجة بيخاف منها ومؤذية في ثواني..
وكإن هنا إشارة تانية إنك أصلًا لو ماسبتهاش ممكن في ثانية الحاجة اللي متعلق بيها بزيادة تكون هي سبب أذيتك وألمك..
( قالَ خُذها وَلا تَخَف سَنُعِيدُهَا سِيرَتَهَا الْأُولَى))
أول ما تعيش التسليم التام بكل جوارحك ويكون إعتمادك وتوكلك على الله سبحانه وتعالى فقط هينتهي الإختبار ..
فالاختيار موجبٌ لتحمّل تبعاته، وفرط التسليم، موجب لنوال نفحاته...
#سِكّة_السَّلامة
#noha_zahra
#كن_مع_الله
https://whatsapp.com/channel/0029VaKbucR9sBI7U0uHzN0I
BY المرأة الصالحة👒
Share with your friend now:
tgoop.com/goodwoman/114816