tgoop.com/gorizont_uz/42760
Last Update:
🇺🇸🇨🇳 DeepSeek: Хитойнинг арзон чатботи глобал технология бозорини ларзага солди
Хитойнинг DeepSeek стартапи атиги 5.6 миллион долларга янги сунъий интеллект модели яратиб, глобал технология бозорида кескин ўзгаришларга сабаб бўлди. Чатбот АҚШ ва Буюк Британияда Apple иловалар дўконида ChatGPT'ни ортда қолдириб, биринчи ўринни эгаллади.
Бунинг таъсирида:
- Nvidia компанияси бир кунда 465 миллиард доллар йўқотди - бу АҚШ фонд бозори тарихидаги энг катта кунлик йўқотиш
- Microsoft 130 миллиард доллар йўқотди
- Google компанияси 80 миллиард доллар йўқотди
- Тесла, Мета ва Амазон акциялари ҳам кескин пасайди
- Европа технология акциялари 4.5% га тушди
DeepSeek асосчиси Лян Венфенг: "Сунъий интеллект ҳамма учун арзон ва қулай бўлиши керак", дея таъкидлади. У 2021 йилда ҳобби сифатида AI моделлари яратишни бошлаган.
Аҳамиятли жиҳати: DeepSeek чатботи АҚШнинг энг илғор технологияларисиз яратилган бўлса-да, сифат жиҳатидан Google, Мета ва Anthropic моделларидан устун чиқди. Бу эса йирик технология компанияларининг юз миллиардлаб долларлик харажатлари самарадорлигини шубҳа остига қўймоқда.
АҚШлик таниқли инвестор Марк Андрессен бу воқеани совуқ уруш даврида СССРнинг биринчи сунъий йўлдошни учиришига қиёслади - чунки ўша пайтда америкаликлар тўсатдан космик пойгада СССРдан орқада эканлигини тушуниб қолишган эди. DeepSeek худди шундай ҳеч қаердан пайдо бўлиб, АҚШ аслида ортда қолаётганини кўрсатиб қўйди.
Батафсил Gorizontда...
BY Gorizont
Share with your friend now:
tgoop.com/gorizont_uz/42760