Сябры, важная навіна! ⚡️

Краўдфандынгавую платформу Gronka прызналі «экстрэмісцкімі матэрыяламі» ў Беларусі 9 студзеня 2025 года. Гэта значыць, што спасылкі, рэпосты, лайкі і нават скрыншоты з Gronka могуць цягнуць адміністрацыйную адказнасць у Беларусі.

Нягледзячы на гэта мы працягваем дапамагаць тым, хто збірае сродкі на важныя ініцыятывы:

- звесткі аб банкаўскіх картках не захоўваюцца на нашых серверах;
- крыптаплацяжы – ананімны спосаб падтрымкі праектаў;
- мы не захоўваем асабістую інфармацыю пра спонсараў і выкарыстоўваем толькі ананімную электронную пошту.

🎱 Што рабіць, калі вы знаходзіцеся ў Беларусі або збіраецеся яе наведваць?

1. Карыстайцеся VPN + рэжымам «інкогніта» — так вы пазбегнеце захоўвання гісторыі прагляду і звестак пра вашы дзеянні.

2. Не захоўвайце спасылкі і рэпосты:

- выдаляйце лайкі, рэпосты, спасылкі і скрыншоты з прылад, воблачных сховішчаў і сацсетак;
- адпішыцеся ад акаўнтаў Gronka ў сацсетках;
- не дадавайце сайт Gronka ў закладкі браўзера.

3. Чысціце гісторыю:

- ачышчайце гісторыю пошуку і кэш у сацсетках і браўзеры;
- выдаляйце непатрэбныя файлы са сметніцы.

4. Ахоўвайце плацежныя квітанцыі:

- не публікуйце іх адкрыта, не пакідайце асабістых звестак у публічным доступе;
- пры магчымасці выкарыстоўвайце крыптагаманцы.

Калі вам патрэбна дапамога, пішыце нам у Telegram або на gronkapost@gmail.com. Мы заўсёды гатовы падтрымаць вас і падзяліцца дадатковай інфармацыяй.

Дзякуй кожнаму, хто застаецца з намі ў гэты няпросты час. Разам мы зможам пераадолець любыя цяжкасці! 💛

Зімовыя святы амаль адбылі — рыхтуемся да Вялікадня 🥚🐰

✨ Новы збор на Gronka — на кнігу велікодных рэцэптаў!

Гэты зборнік — 72 старонкі сапраўднага натхнення, дзе класічныя беларускія стравы пераасэнсоўваюцца па-новаму, а сучасныя рэцэпты дадаюць свежыя фарбы да святочнага стала. Сняданкі, супы, салаты, дэсерты, напоі — гэта і не толькі разнастаіць вашы застоллі!

🪙 На выданне кнігі аўтарцы патрэбна 950€. Падтрымайце збор і зрабіце Вялікдзень незабыўным!