Падтрымалі на Gronka — і цяпер кніга ў друку! 📒

Выданне новай кнігі «Гвалт» Аляксандра Чарнухі стала магчымым дзякуючы вашай падтрымцы!

Гэта 10 апавяданняў пра гвалт у розных праявах, якія гучаць асабліва блізка для беларусак і беларусаў. У кнізе знаёмыя лакацыі і персанажы са шчырымі і балючымі гісторыямі, якія адлюстроўваюць і наша жыццё.

⚡️ Прэзентацыя кнігі адбудзецца 23 студзеня а 19:00 у Музеі вольнай Беларусі (Варшава), а з 29 студзеня па 9 сакавіка аўтар наведае з турам розныя гарады ЗША.

✍️ Кнігу «Гвалт» вы можаце набыць на сайце «Кнігаўкі».

Дзякуем за неабыякавасць і заклікаем вас працягваць падтрымліваць іншыя важныя ініцыятывы на Gronka, каб разам ствараць новыя праекты і ўзбагачаць беларускую культуру! ❤️

Падтрымайце выданне дзіцячых кніг «Чытаю сабе сам»! ✨

Гэта кніжкі, якія дапамогуць дзецям зрабіць першыя самастойныя крокі ў чытанні. Захапляльныя сюжэты, зручны шрыфт EasyReading, расфарбаваныя склады і пастаўленыя ў словах націскі зробяць чытанне простым і прыемным!

Сярод бонусаў — табліца для ўліку часу і бостанская методыка прывучэння да чытання, якая ўжо дапамагла тысячам дзяцей.

💸 Кожны еўра — унёсак у развіццё беларускай дзіцячай літаратуры і адукацыі. Падтрымайце праект, каб кніжкі сталі рэальнасцю!

А больш пра адметнасці кніжнай серыі глядзіце ў нашых картках.

Разам ствараем добрую будучыню для маленькіх беларусак і беларусаў!

Падтрымайце выданне новай кнігі Макса Шчура на Grоnkа! 🪄

«Спроба эксперыментальнага канструявання сябе» — гэта белетрызаваная аўтабіяграфія, дзе сямейныя гісторыі, анархісцкія тусоўкі, рок-н-рол і эміграцыя пераплятаюцца з бязлітаснай шчырасцю і гумарам. Кніга адкрые новы погляд на сябе і на свет.

💬 У картках — 9 цытат з кнігі, гумарыстычных і філасофскіх. Але сапраўдная магія чакае вас на старонках двухтомніка.

Для фундатараў збору — спецыяльныя ўзнагароды: ад аўтографаў да рэдкіх выданняў і асабістых падзяк.

Далучайцеся да стварэння новай беларускай літаратурнай падзеі! 🙌