tgoop.com/halaelmasry/1584
Last Update:
-إيه علاقة الطفلة السورية اللي خرجوها من تحت الانقاض بعد ٥٠ ساعة بالسيدة مريم العذراء رضي الله عنها؟!
لما سيدنا زكريا تكفل بالسيدة مريم كان بيلاحظ حاجة عجيبة جدًا كل لما يدخل عليها المحراب وهي بتتعبد لله!
-حاجة زي إيه؟
=هو عليه السلام كان مُتكفل بأكلها، يعني عارف إيه اللي عندها من الأكل والشُرب؛ تمام؟
-تمام. وإيه بقى العجيب في كده؟!
=العجيب إنه عليه السلام كان بيلاقي عندها فاكهة أو أكل هو ماقدمهلهاش.
-عادي وارد يكون حد ادهالها.
=يديها فاكهة الصيف في موسم الشتاء، وفاكهة الشتاء في موسم الصيف!!
-😲
نفس اللي حصل مع السيدة مريم حصل مع طفلة خرجوها من تحت الأنقاض بعد يومين، ولما فريق الانقاذ عرض عليها بعد خروجها أكل عشان تاكل لإنها أكيد هتكون جعانة جدًا؛ البنت رفضت وقالت إنها شبعانة، ولما الناس استغربت وسألولها باستغراب إزاي شبعانة وأنتِ ماكلتيش بقالك تقريبًا ٥٠ساعة كان ردها:"كان في ضو يجي كل كم ساعة يطعمني ويروح!"❤
يطعمك إيه؟!
لبن ومي!
السؤال هنا اللي احنا عايزين نسأله..مين الضو اللي أكلها ده وهل ده شيء يُصدق أصلًا؟
فهقولك إن إجابة السؤال ده هو نفس رد السيدة مريم على سؤال سيدنا زكريا بعد لما استغرب وجود الفاكهة اللي شافها وقالها:"يَا مَرْيَمُ أَنَّىٰ لَكِ هَٰذَا"؟
فكان ردها عليها السلام:" هُوَ مِنْ عِندِ اللَّهِ ۖ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ"❤
ها لسه شايل هم رزقك؟
BY طَـاقة نُـور
Share with your friend now:
tgoop.com/halaelmasry/1584