tgoop.com/hamzaabo/1353
Last Update:
الجدع اللي اسمه حمزة ابو زهرة ده؛ دماغه لاسعة حرفِيَّن.
أسرع شيء عنده مسح منشوراته، حتى لو معجب بيها 1000 واحد.
ممكن يمسحها المجنون بسبب خلل في علامة ترقيم بس.
حررتك هتقول له: طب ما تعدِّل المنشور وسيبه؛ ده عشان عاقل.
هو بقى مخه مبيفهمش الحكمة دي، ده غير أسباب تانية.
يعني ممكن يلاقي منشور عمل وَشْ وهو مش فايق له؛ يمسحه.
امبارح بس ماسح منشورين اتنين؛ ربنا يهديه ويصلح باله.
المهم ليه بغتابه دلوقت! عشان اللي عجبه منشور ينسخه فورن.
لأن البيه كمان معندوش نسخة من أي منشور؛ سيبك منه.
النهارده جمعة؛ الغسل، التطيب، التبكير، الكهف، الصلاة عالنبي.
أما الدعاء آخر ساعة فبراحتك، وافتكر المجاهدين والأسرى.
حتى المنشور ده ذات نفسه ممكن يمسحه؛ أنا أدرى الناس بيه.
على كلٍّ انت مش صعبان علي؛ لو لسه بتتابعه تستاهله.
اللهم اجعلها جُمُعة غفرانٍ ورضوانٍ على أهلها؛ في الأرض كلها.
"أُحِبُّكُمْ حُبَّ الشَّحِيحِ مَالَهُ ** قَدْ ذَاقَ طَعْمَ الْفَقْرِ ثُمَّ نَالَهُ".
نفسي والله أُعجب بكل منشور لكل صديق؛ لكني مسحول جدَّن.
BY قناة حمزة أبو زهرة
Share with your friend now:
tgoop.com/hamzaabo/1353