♡هوي♡الروح

هظاروا كلو كان هبيش يعني خشمو دا م بيتكلم بيهو الا و معاهو يدو يعني طرحتي لو نزلت حبه هو بجرها لي لي قدام و نظام غتي شعرك و ف الظلط يمسك يدي نظام يقطعني غير انو مستحيل يلفتني كدا بي اخوك و اخوي الا يلكزني بي يدو و الحاجه دي كنتا متأذمه منها شديد والله بس المشكله اني بحبو و كل مره بقوم اقول ليهو اني بضايق لمن تلفتني بي يدك و ردوا لي كان واحد (انتي من اول يوم حبيتيني كنتي عارفه دا طبعي و انا م بكون قاصد فيها حاجه غير اني خايف عليك ) و في كل مرة كنتا بصدق و بتبسم زي العويرة و انسى تماااما انو دي حرام و ربنا مستحيل يتجاوزا لي طول م انا متماديه فيها لانو الزول البكون عارف الحاجه حرام و بيعملا ربنا بيديهو الذنب ضعفين بس انا كنتا ماشا ع هواي انا و بنات غيري كتار💔 المهم علاقتنا دي مستمرة ليها 7 شهور و في السبعه شهور دي حرفيا حسيت ف تتطور ف افعالو و بدل م كان بيلفتني من كتفي او يدي بقى عادي نكون قاعدين ف بنابر يقوم يقول لي ارح بس من رجلي فوق ركبتي او يخت يدو ف ضهري و انا بقيت شايفه الحاجات دي عاديه شديد لانو هو البسطتا لي 💔 يوم كان عندو عيد ميلاد حبيبت صاحبو قال لي ارح نمشي و نرجع بدري قلتا ليهو والله انا بخاف لانهم عاملنها ف شقتم قال لي كل الهناك معاهم حبايبم و الموضوع ايزي شديد م تكبريهو و تعملي لي تعقداتك دي "حسيت بي كلامو اني متخلفه متخلفه" قلتا ليهو خلاص معليش ♥️ قال لي زايد م ف ناس غريبه تعالي من غير طرحة و البسي لبس م يخليهم يقولو لي دي شنو خالتك الجبتا معاك دي قلتا ليها حاضر و فعلا الاية دي "و يمدهم ف طغيانهم يعمهون " كان بتمثلني شديد💔 انا كنتا بفك الكلام القالو ربنا و سيدنا محمد بي التدريج المرتب شديد و انا م عارفه روحي بس شايفه روحي مبسوطه معاهو💔 و مشينا عيد ميلاد و انا لابسه تحت الركبه بي حبه و فاكه شعر وكل البنات الهناك زيي و اكعب و عملو عيد ميلاد وخلص قام قال لي تعالي داير اوريك حاجه و وداني زي بلكونه مقفوله و طلع لي ورده من جيبو كنتا طايرة بيها السما و انطط من الفرح قام قال لي م حتشكريني عليها🥺 و فتح يدينو و قمتا حضنتو و بعدها حصلت كم حاجة و انا كنتا بقول البنات البيعملو كدا كتار و هو لو م بحبني م كان عمل معاي كدا من دون الباقيات و نسيت الاية البتقول (ولقد جئتمونا فرادى ) 💔 اليوم عدا و بقى كل م يجيني بي العربيه اول م اركب لازم احضنو و بعدها نطلع و يفسحني و العلاقه قوت بي سبب الحاجات دي و كل يوم كان الحركات بتزيد عن اليوم القبالو لحد م يوم قال لي رايك شنو نمشي بيت ناس صاحبي قلتا ليهو و نعمل شنو هناك قال لي ارح و بنعرف دايرين نسوي شنو😉 قال لي بس اول شي لازم تقولي لي اهلك انكم عندكم رحله علميه و انا بظبط ليك ورقة فيها شعار الجامعه و خطاب لي موافقه ولي الامر و كدا قلتا ليهو اتفقنا جدا جدا♥️ و عمل الورقه و ابوي كان من الناس البتشجع العلم شديد قال لي ي بتي انتي عارفه انا بخاف عليك كيف و م برتاح و انتي بايته برا بس مدام انتي قلتي بي الاهميه دي و انو م بيدوك درجات المادة دي الا تمشوها خلاص هاك وقعتها ليك اديها لي مشرف قسمكم قلتا ليه تسلم ي رب🤍 و حرفيا عبيت شنطه ضهري فيها حااجاتي الحأحتاجا لي التلات ايام دي😌 و طلعتا من البيت مواعيدي حقت الجامعه و لاقاني بي عربيتو ف الاستوب البعد بيتنا و نزلتا ركبتا معاهو و كنتا مبسووطه بسطت السنين 😍 و دخلنا الشقه و بقا يعمل لي حركات و انا اتفصل ليهو و اتبسم وحاجات لا ترضى الله ولا ترضي الرسول بس بترضيني والتلات ايام دي كانت فواحش متلتله💔 و بعدها مشيت بيتنا و ابوي لاقاني قال لي اها الرحله العلميه كانت كيف قلتا ليهو احلى من م تتصور "حتي ابوي م احترمتو " 💔 خشيت استحميت طوالي ضربتا ليهو و كنتا مشتاقه ليهو كأني م كنتا معاهو قام رسل لي الرسايل حقت مشغول ! سأتصل بك لاحقا قلتا م مشكله امشي اقضي كم حاجه لحد م جا الليل و لسا م رجع لي قمتا ضربتا لقيت الخط مشغول قام ردا لي قلتا ليهو انت وين من الصباح ي حب ياه مشتاقه ليك جدا♥️🥺 قال لي مشتاقه لي ولا مشتاقه لي الحاجه التانيه حسيتو كسرني بقيت اتمتم و اقول ليهو لا والله ليك انت💔 قال لي بهظر اها كيفك انتي وصلتي كيف قلتا ليهو والله كويسه و اتكلم معاي بي طريقه م الاعتياديه الزمان و بعدها قال لي كدي برجع ليك بعدين و قفل بقيت ساكته مسافه و اعاين ف التلفون و أتأتأ و اتمتم من العبره
نمتا و الصباح قلتا حألقى منو مكالمات ولا لقيت اي شي مشيت الجامعه و ضربتا ليهو م ردا و بقيت خايفه تكون حصلت ليهو حاجه قمتا ضربتا لي صاحبو ردا لي اول كلمة قالا قال لي اشتقتي ولا شنو😉 قلتا ليهو اي والله و خايفه يكون حاصل ليهو شي و قلتا اسأل منو قال لي انا م قصدي لي صاحبي 😉 قمتا قفلتا الخط سريع سريع و بقيت اشهق و ابكي يعني هو كان عارف ولا دا شنو انا بتخيل💔 جريت استراحتنا و قعدتا ابكي بي كل قوه الله اداني ليها لمن وشي اتنفخ😭 قام تلفوني ضرب و انا مخصصة ليهو نغمه

www.tgoop.com/hawaAlrooh/8228

694 viewsبياض الثلج, May 5, 2021 at 20:05

هظاروا كلو كان هبيش يعني خشمو دا م بيتكلم بيهو الا و معاهو يدو يعني طرحتي لو نزلت حبه هو بجرها لي لي قدام و نظام غتي شعرك و ف الظلط يمسك يدي نظام يقطعني غير انو مستحيل يلفتني كدا بي اخوك و اخوي الا يلكزني بي يدو و الحاجه دي كنتا متأذمه منها شديد والله بس المشكله اني بحبو و كل مره بقوم اقول ليهو اني بضايق لمن تلفتني بي يدك و ردوا لي كان واحد (انتي من اول يوم حبيتيني كنتي عارفه دا طبعي و انا م بكون قاصد فيها حاجه غير اني خايف عليك ) و في كل مرة كنتا بصدق و بتبسم زي العويرة و انسى تماااما انو دي حرام و ربنا مستحيل يتجاوزا لي طول م انا متماديه فيها لانو الزول البكون عارف الحاجه حرام و بيعملا ربنا بيديهو الذنب ضعفين بس انا كنتا ماشا ع هواي انا و بنات غيري كتار💔 المهم علاقتنا دي مستمرة ليها 7 شهور و في السبعه شهور دي حرفيا حسيت ف تتطور ف افعالو و بدل م كان بيلفتني من كتفي او يدي بقى عادي نكون قاعدين ف بنابر يقوم يقول لي ارح بس من رجلي فوق ركبتي او يخت يدو ف ضهري و انا بقيت شايفه الحاجات دي عاديه شديد لانو هو البسطتا لي 💔 يوم كان عندو عيد ميلاد حبيبت صاحبو قال لي ارح نمشي و نرجع بدري قلتا ليهو والله انا بخاف لانهم عاملنها ف شقتم قال لي كل الهناك معاهم حبايبم و الموضوع ايزي شديد م تكبريهو و تعملي لي تعقداتك دي "حسيت بي كلامو اني متخلفه متخلفه" قلتا ليهو خلاص معليش ♥️ قال لي زايد م ف ناس غريبه تعالي من غير طرحة و البسي لبس م يخليهم يقولو لي دي شنو خالتك الجبتا معاك دي قلتا ليها حاضر و فعلا الاية دي "و يمدهم ف طغيانهم يعمهون " كان بتمثلني شديد💔 انا كنتا بفك الكلام القالو ربنا و سيدنا محمد بي التدريج المرتب شديد و انا م عارفه روحي بس شايفه روحي مبسوطه معاهو💔 و مشينا عيد ميلاد و انا لابسه تحت الركبه بي حبه و فاكه شعر وكل البنات الهناك زيي و اكعب و عملو عيد ميلاد وخلص قام قال لي تعالي داير اوريك حاجه و وداني زي بلكونه مقفوله و طلع لي ورده من جيبو كنتا طايرة بيها السما و انطط من الفرح قام قال لي م حتشكريني عليها🥺 و فتح يدينو و قمتا حضنتو و بعدها حصلت كم حاجة و انا كنتا بقول البنات البيعملو كدا كتار و هو لو م بحبني م كان عمل معاي كدا من دون الباقيات و نسيت الاية البتقول (ولقد جئتمونا فرادى ) 💔 اليوم عدا و بقى كل م يجيني بي العربيه اول م اركب لازم احضنو و بعدها نطلع و يفسحني و العلاقه قوت بي سبب الحاجات دي و كل يوم كان الحركات بتزيد عن اليوم القبالو لحد م يوم قال لي رايك شنو نمشي بيت ناس صاحبي قلتا ليهو و نعمل شنو هناك قال لي ارح و بنعرف دايرين نسوي شنو😉 قال لي بس اول شي لازم تقولي لي اهلك انكم عندكم رحله علميه و انا بظبط ليك ورقة فيها شعار الجامعه و خطاب لي موافقه ولي الامر و كدا قلتا ليهو اتفقنا جدا جدا♥️ و عمل الورقه و ابوي كان من الناس البتشجع العلم شديد قال لي ي بتي انتي عارفه انا بخاف عليك كيف و م برتاح و انتي بايته برا بس مدام انتي قلتي بي الاهميه دي و انو م بيدوك درجات المادة دي الا تمشوها خلاص هاك وقعتها ليك اديها لي مشرف قسمكم قلتا ليه تسلم ي رب🤍 و حرفيا عبيت شنطه ضهري فيها حااجاتي الحأحتاجا لي التلات ايام دي😌 و طلعتا من البيت مواعيدي حقت الجامعه و لاقاني بي عربيتو ف الاستوب البعد بيتنا و نزلتا ركبتا معاهو و كنتا مبسووطه بسطت السنين 😍 و دخلنا الشقه و بقا يعمل لي حركات و انا اتفصل ليهو و اتبسم وحاجات لا ترضى الله ولا ترضي الرسول بس بترضيني والتلات ايام دي كانت فواحش متلتله💔 و بعدها مشيت بيتنا و ابوي لاقاني قال لي اها الرحله العلميه كانت كيف قلتا ليهو احلى من م تتصور "حتي ابوي م احترمتو " 💔 خشيت استحميت طوالي ضربتا ليهو و كنتا مشتاقه ليهو كأني م كنتا معاهو قام رسل لي الرسايل حقت مشغول ! سأتصل بك لاحقا قلتا م مشكله امشي اقضي كم حاجه لحد م جا الليل و لسا م رجع لي قمتا ضربتا لقيت الخط مشغول قام ردا لي قلتا ليهو انت وين من الصباح ي حب ياه مشتاقه ليك جدا♥️🥺 قال لي مشتاقه لي ولا مشتاقه لي الحاجه التانيه حسيتو كسرني بقيت اتمتم و اقول ليهو لا والله ليك انت💔 قال لي بهظر اها كيفك انتي وصلتي كيف قلتا ليهو والله كويسه و اتكلم معاي بي طريقه م الاعتياديه الزمان و بعدها قال لي كدي برجع ليك بعدين و قفل بقيت ساكته مسافه و اعاين ف التلفون و أتأتأ و اتمتم من العبره
نمتا و الصباح قلتا حألقى منو مكالمات ولا لقيت اي شي مشيت الجامعه و ضربتا ليهو م ردا و بقيت خايفه تكون حصلت ليهو حاجه قمتا ضربتا لي صاحبو ردا لي اول كلمة قالا قال لي اشتقتي ولا شنو😉 قلتا ليهو اي والله و خايفه يكون حاصل ليهو شي و قلتا اسأل منو قال لي انا م قصدي لي صاحبي 😉 قمتا قفلتا الخط سريع سريع و بقيت اشهق و ابكي يعني هو كان عارف ولا دا شنو انا بتخيل💔 جريت استراحتنا و قعدتا ابكي بي كل قوه الله اداني ليها لمن وشي اتنفخ😭 قام تلفوني ضرب و انا مخصصة ليهو نغمه

BY ♡هوي♡الروح