tgoop.com/hayatsk_AMN/7
Last Update:
«King» Թրամփ
Նախ կար Գրենլանդիան, Կանադան և Պանամայի ջրանցքը գրավելու ծրագիր: Երեկ հերթը Գազային էր։
Մինչդեռ Թրամփը խոստացել է 25 տոկոս մաքսատուրքեր սահմանել Մեքսիկայի և Կանադայի, իսկ 10 տոկոս՝ Չինաստանի համար: Նա ասաց, որ ԱՄՆ-ի հարևանների համար մաքսատուրքերը կոչված են պատժելու նրանց՝ անօրինական ներգաղթյալների և թմրանյութերի (ֆենտանիլ) ԱՄՆ արտահանման համար: Հաջորդ օրը այս 25% մաքսատուրքերը հանվեցին, քանի որ Մեքսիկան և Կանադան համաձայնեցին համագործակցել ԱՄՆ-ի հետ։
Այն բանից հետո, երբ Չինաստանը սեփական մաքսատուրքերը սահմանեց ամերիկյան ապրանքների վրա, Թրամփը հայտարարեց, որ պատրաստ է խոսել Չինաստանի նախագահի հետ՝ քննարկելու մաքսատուրքերը:
Այսպիսով, նախ Թրամփը որոշ ճնշում է գործադրում մյուսների վրա, նրանք ծնկի են իջնում, և ճնշումն վերանում է: Սա Թրամփի քաղաքականությունն է. Բայց արդյո՞ք դա կաշխատի այնպիսի երկրների հետ, ինչպիսիք են Չինաստանը, Ռուսաստանը, Իրանը:
Իրանի հարցում Թրամփը հուշագիր է ստորագրել Իրանի վրա «առավելագույն ճնշում» գործադրելու, Թեհրանին միջուկային զենք տանող բոլոր ուղիները մերժելու և Մերձավոր Արևելքում նրա ազդեցությանը հակազդելու համար։ Բայց հետո Թրամփը նախապատվություն հայտնեց դիվանագիտությանը։ «Մենք կտեսնենք՝ կարո՞ղ ենք բանակցություններ վարել կամ համաձայնության գալ Իրանի հետ»,- ասել է նա լրագրողներին Օվալաձև աշխատասենյակում: Նա հավելել է, որ բաց է լինելու իր իրանցի գործընկեր Պեզեշկիանի հետ բանակցությունների համար։ Սա ցույց է տալիս, որ Թրամփը հասկանում է, որ ԱՄՆ-ն Իրանի հետ պատերազմ սկսելու հնարավորություն չունի, և նա վստահ չէ, որ «առավելագույն ճնշումը կաշխատի»։ Սա իր հերթին նշանակում է, որ Թրամփը ճանաչում է Իրանի ռազմական և տնտեսական հզորությունը։
Երեկ ես գրել էի Գազան գոլֆի դաշտի վերածելու մասին, որը Թրամփի փեսայի մտահղացումն էր։ Մերձավոր Արևելքի ոչ մի երկիր չի համաձայնի այս ծրագրին։ Եվ Թրամփի հայտարարությունից 24 ժամ չանցած՝ Սպիտակ տան խոսնակը, հրաժարվեց Գազան գոլֆի դաշտի վերածելու Թրամփի մտքից:
Նրա ծրագիրը երբեք չի աշխատի Գազայում, սակայն Նեթանյահուի հետ հայտարարելով այս ծրագրի մասին՝ Թրամփը որոշակի աջակցություն ցուցաբերեց Նեթանյահուին՝ նրան իշխանության պահելու համար, քանի որ այլընտրանքներն ավելի վատն են: Հայտարարելով, որ ԱՄՆ-ն է լինելու Գազայի հատվածի սեփականատերը, Թրամփը ցանկանում էր ապահովել, որ Իսրայելը չվերսկսի պատերազմը Գազայի հատվածում:
Ինչ վերաբերում է Ռուսաստանին, սա ավելի երկար պատմություն է, որի մասին ես հաճախ եմ գրում, ուստի այս անգամ շատ բան չեմ ասի: Բացառությամբ այն, որ 2 օր առաջ ես դիտում էի, թե ինչպես է Թրամփը Սպիտակ տանը հյուրընկալում Ֆլորիդայի "պանտերներին", և նա հատկապես ուշադրություն դարձրեց նրանց դարպասապահին, ով պատահաբար 26-ամյա ռուս էր: Սա շատերը չեն նկատել, բայց ես այսպես կասեմ՝ Թրամփը մոտեցավ նրան, շնորհավորեց և շատ բարի խոսքեր ասաց։ Ասեմ, որ սա ժեստ էր ռուսների, Պուտինի նկատմամբ։ Վերջին 3 տարիներին Սպիտակ տանը ոչ մի ռուս չի եղել. Ռուսներին անտեսել են. Թրամփն այս ժեստով ասում է, որ պատրաստ է կապ հաստատել Պուտինի հետ։ Բայց մի սպասեք, որ պատերազմը շուտով կավարտվի: Նա ցանկանում է Ուկրաինային փող և զենք տալ ուկրաինական հանքանյութերի համար, բայց չգիտի, որ այդ հանքանյութերի մեծ մասն այժմ գտնվում է Ռուսաստան կոչվող մասերում:
Ի՞նչ իմացանք այս 2 շաբաթվա ընթացքում Թրամփի մասին։ Նա որոշ լավ բաներ կանի ամերիկացիների համար. ինչպես երեկվա գործադիր հրամանը, որն արգելում է տրանս կանանց՝ կանանց սպորտով զբաղվել, նա կարտաքսի անօրինական ներգաղթյալներին, նա կկրճատի կառավարության որոշ ծախսեր (ինչպես USAID):
«Խորքային պետությունից»(deep state) մի քանի տարեցների կազատի, բայց նա չի կարող ոչնչացնել այն, նրա նորանշանակները պարզապես կփոխեն այս «խորքային պետությունը»(deep state) և կվերակողմնորոշեն իրենց շահերը։
Հ.Գ. Հայաստանի մասին... Ասելու բան չկա... Լավագույն դեպքում, հեծանվորդը Հայաստան կվերադառնա Թրամփի հետ արված լուսանկարով՝ խոսելու ԱՄՆ-ում իր «հաջող առաքելության» մասին.
Трезвый взгляд из США
Garen Hart
BY Հայացք ԱՄՆ-ից
Share with your friend now:
tgoop.com/hayatsk_AMN/7