tgoop.com/hazhesabely/6652
Last Update:
.
" وَلَيَالٍ عَشْرٍ "
لو قولنا إن رمضان هو الميدتيرم فـ العشر ليالِِ هم الفاينل .
يعني إيه؟!
- يعني أنت عندك حاجة إسمها أفضل الليالِ وأفضل الأيام، العلماء لما عملوا مقارنة بين العشر ليالِ دول وبين رمضان قالوا إن كلاهما أعظم عند الله.
لإن العشر الأواخر من رمضان فيهم ليلة القدر وهي من أعظم الليالي، بس العشر من ذي الحجة أعظم من ناحية الأيام، لإن فيها يوم عرفة ويوم النحر ويوم التروية، فـ كلاهما أعظم عند الله.
يعني بنهاية العشر ليالِ إنت كده خلصت فاينل .. هتعوض فين !!
قال تعالىٰ " وَرَبُّكَ يَخْلُقُ مَا يَشَاءُ وَيَخْتَارُ "
فـ اختار من أيام السنة " العشر ليالٍ " وأقسم بهم، وأختصّهم بمزيد الفضل؛ وزيادة الأجر؛ وإجابة الدُعاء
فـ الدعاء فيهم مُستجاب وهي عبادة تؤجر عليها بجبالٍ من الحسنات ، والصلاة والصدقة في هذه الأيام أجرها أعظم .
- التعويض في الفاينل -
يعني لو فاتك رمضان فـ قدامك فرصة تعوض كُل عبادة فيه تاني، القُرءان اللي أنت هجرته في رمضان قدامك فرصة تعوضه تاني بـ أجر عظيم .
صلاة التراويح اللي إنت كُنت بتكسل عنها قدامك فرصة دلوقت تعوضها بقيام ليال في العشر ليالِ .
كُل ما تكاسلت عنه سابقًا عاد إليك مرة أخرىٰ في أحب الأيام إلى الله فلا تتكاسل .
لو ضيعت أفضل الليالي ( ليلة القدر ) فلا تُضيع أفضل الأيام .
طب أفضل العبادة في الأيام دي إيه بعد المفروضة ؟
- لِّيَشْهَدُوا مَنَافِعَ لَهُمْ ( وَيَذْكُرُوا اسْمَ اللَّهِ) فِي أَيَّامٍ مَّعْلُومَاتٍ .
قال رسول الله ﷺ
( ما من أيام أعظم عند الله ولا أحب إليه العمل فيهن، من هذه الأيام العشر، فأكثروا فيهم من التهليل والتكبير والتحميد )
- التهليل، التكبير، التحميد
الله أكبر، لا اله إلا الله، الحمدلله
التكبير دا بقى سُنة مهجورة عن النبي ﷺ في العشر ليالِ فـ فكرة إنك بتحي السُنة؛ وبتمتثل لأوامر النبي؛ وبتذكر الله
يعني أنت كده جمعت ثلاث نوايا بـ ثلاث أجور بإذن الله .
كُل عبادة أجمع لها نـوايا كتير عشان تعظم أجـرك.
كُل اللي إنت عملته في رمضان أو كان نفسك تعمله ومعملتهوش؛ ربنا قدملك فرصة تانية فـ حاول مرة تانية وإياك تضيعها من إيـدك.
لـو ضيعت أفضل الليالِ بلاش تضيع أفضل الأيـام .
استعـدوا إنها العشر...
.
BY هَذِهِ سَبِيلِي.
Share with your friend now:
tgoop.com/hazhesabely/6652