tgoop.com/hepaam/2206
Last Update:
قصيدة حزينه (راح الحنين)
راح الحنين الچان ينشد عليه
ضليت اون بجفاه واصفج بديه
راح الحنين الجان كلبي يودة
خلاني اون بليل وابجي اعلئ فكدة
يادنيه شنهي الصار شو روحي عندة
يهل الرحم ناديت ردوه اليه
يهل الرحم حنيت ماريد اعوفه
جرحي يفز كل يوم ياهو اليروفه
مشتاكه اله ياناس خلوني اشوفه
حكه وعلي ياناس مايدري بيه
وين انطي وجهي وين شو كلها ضدي
چانو هلي وياي خلوني وحدي
ضعن الاهل ياناس كدامي يحدي
ماريد اطب للدار وحشه وخليه
تعبانه من الضيم والهم والاحزان
راحو غفل ياناس كدامي الاحنان
هذا الزمن ياناس صدكوني خوان
وينك يملك الموت عجل المنيه
ياعالم الشمات ماعدهه رحمه
وانه وحيدة بساع تهضمني چلمه
وسفه اليتيم شلون يشبع مغمه
كافي يدنيه هموم شبعانه اذيه
وين الكبل ياناس كعداته حلوة
ثاري خذاه الموت من يمنه كوة
شلي بعد بلروح روحي متسوة
ماعشنه مثل الناس عيشه هنيه
جبت العمر بلضيم والحسرة بينه
وين الكبل كل يوم ينشد علينه
نتبع ضعنهم حيف ماصح بدينه
بتكم اجاهه الموت يهل الحميه
كلمات الشاعرة هبه الموسوي
صاحبت ديوان
حلم مذبوح // تراث الطف
https://www.tgoop.com/joinchat-AAAAAFDEvIVE_tY5SJrX6g
BY الأستاذة الشاعرة هبه الموسوي
Share with your friend now:
tgoop.com/hepaam/2206