tgoop.com/hepaam/2223
Last Update:
قصيدة لزينب ع جنوبيه
گوم اگعد يخويه هدو اعدانه
وزينبكم بقت بلخيمه حيرانه
من هدو علينه زامـــــــطت بيكم
عن ضيمي يخويه شرد احاچيكم
من اعتب عليكم خـــاف ابچيكم
اكعدو للحرم خلوني امــــوت انه
هدو للخيم خويه فرد هــــــــــدة
وعلي السجاد بلخيمه بقئ وحدة
وتدري بلعساكر صايرة ضـــــــدة
بهايه حالته يحسين بـــــــچــــانه
بچاني يخويه من شفـــــــت دمه
احتركت خيمته وصاحالي ياعمه
گليلي يعمه وين ابـــــــو الــــيمه
شجاوب يلولي والــــروح حزنانه
گتله حسين مات وأيست مـــــنه
بعد أيس يعمه مــــــايـــــــرد النه
مايرجع ولينه دگطـــع الضـــــــنه
مايرجع يعمه حسيــــن ويـــــــانه
نايم والترب وسفه عمه عيونه
گبالي يلولي رادو ينــــــحرونه
شلون حسين كدامي يـسلبونه
اخونه المات يم عدوانه عافانه
غير مبري الذمه الئ يوم الدين من يحذف اسمي أو ينسب الكلام له
كلمات الاستاذة الشاعرة هبه الموسوي
(صاحبت كروب الحناجر الذهبيه)
تابعونا علئ قناة التليكرام
الاستاذة الشاعرة هبه الموسوي
https://www.tgoop.com/joinchat-AAAAAFDEvIVE_tY5SJrX6g
تابعونا علئ اليوتيوب
الاستاذة الشاعرة هبه الموسوي
https://www.youtube.com/channel/UCoh1dE-KiwRlpuZJsBCsWpQ
BY الأستاذة الشاعرة هبه الموسوي
Share with your friend now:
tgoop.com/hepaam/2223