tgoop.com/hepaam/2224
Last Update:
قصيدة لمولاتي زينب ع
واللـــه وداعتك بليل مانام
لاعين الغفت لامرت احلام
تعبني السهــر والعيـن معميه
عافاني ومشه لـو مادرة بيه
ضليت انتضر من الاخو جيه
كوة خلاف عينك تمشي الايام
لانوم الاجاني ولاغفت عيني
مو طبعك تمل مني وتخليني
يريح الهاب يم حسين وديني
كبرت ابفركتك خويه الف عام
مل مني الصبر لو اني مليته
كلبي بنار هجرك يغلي خليته
يــادفان ويــن حسين وديته
هيله امن الترب تنتضرة ليتام
يابعد العمر يــل مـــاخذ الروح
يمر ابالي شخصك وين ماروح
كـلبي بفركتك ولزهرة مجروح
شخصك ياحسافه ويانه مادام
غير مبري الذمه الئ يوم الدين من يحذف اسمي أو ينسب الكلام له
كلمات الاستاذة الشاعرة هبه الموسوي
(صاحبت كروب الحناجر الذهبيه)
تابعونا علئ قناة التليكرام
الاستاذة الشاعرة هبه الموسوي
https://www.tgoop.com/joinchat-AAAAAFDEvIVE_tY5SJrX6g
تابعونا علئ اليوتيوب
الاستاذة الشاعرة هبه الموسوي
https://www.youtube.com/channel/UCoh1dE-KiwRlpuZJsBCsWpQ
BY الأستاذة الشاعرة هبه الموسوي
Share with your friend now:
tgoop.com/hepaam/2224