tgoop.com/hetrwq/17311
Last Update:
بارت 17
_نرجس : (كعدت الصبح شفت الساعة 5 الفجر ، درت وجهي شفت ياد متمدد وعيونه عليه )
_نرجس : ساعة 5 الفجر !!
_ياد : هههه اي احنه البارحة قبل العشة نمنة وهسه شبعانين نوم
_نرجس : ميتة جووع
_ياد : ريوكج علية ، هسه اني اسويلج احلى ريوك
_نرجس : لا ياد ،ايدك تتأذه
_ياد : كلشي اسوي لخاطر عيونج
_ نرجس : ياد
_ ياد : عيوني
_ نرجس : ليش ردت تطلكني ؟!
_ياد : مو انتي مردتيلي كلبي ، كلتي ماحبك وماريدك ومن هالسوالف الي كلما اكول علاقتنه تحسنت ترجعين تعيديهه .
_نرجس : بس اني احبك
_ياد (بفرحة) : بربج عيديهه1
_أيهم : اهئى اهئ اهئ
_نرجس : الطفل يبجي خل اكوم
_ياد : بغلاتي عندج ماتكومين وتعيديهه هسه
_نرجس : هههه، احبك5
_ياد (حضنهه بأيده ويبوسهه من حلكهه ويتلمس خدودهه بحنيه ويهمس : واني اموت عليج
_نرجس : ياد الطفل راح يطك من البجي خل اكوم
شلت الطفل لحضني وخليت الممه بحلكه وكعدت عالسرير ، ياد اجه كعد بصفي ويباوع عالطفل ..
_ياد : شسميتيه ؟
_نرجس : أيهم ، حلو الاسم؟
_ياد : كلشي منج حلو ، تدرين يشبهج ؟
_نرجس : لا وين يشبهني ،عيونه وساع نفس عيونك
_ياد : يعني هيج منتبهه على عيوني وتعرفيهن وساع
_نرجس : اي غير احبهن 😌
_ياد : يروحولج فدوه ، يلا راح احضر الريوك من تكملين نزلي
كعدنه وتريكنه سوه والدنيا فجر والناس كلهه نايمه وبس احنه كاعدين
_ياد : كومي جيبي شالج حتى نطلع نفتر بالسياره
_نرجس : ياااد تره الدنيا فجر ماكو احد بره😄
_ياد : احنه شعلينه كومي جيبي شالج يلا
_نرجس : (رحت جبت الشال ورجعت شفته ماخذ الطفل وصاعد للسيارة وينتظرني ، صعدت وبقينه نفتر بالسياره والجو مطر ومشغل اغنية فيروز :
سألتك حبيبي
لوين رايحين
خلّينا خلّينا
وتسبقنا سنين
إذا كنّا ع طول
التقينا ع طول
ليش منتلفّت خايفين
أنا كلّ ما بشوفك
كأنّي بشوفك
لأول مرة حبيبي
أنا كل ما تودّعنا
كأنّا تودّعنا
لآخر مرة حبيبي
قللي حكيني
نحنا مين
وليش منتلفّت خايفين
ومن مين خايفين
من مين
موعدنا بكرا
وشو تأخر بكرا
قولك مش جاي حبيبي
عم شوفك بالساعة
بتكّات الساعة
من المدى جايي حبيبي
ويادنيي شتّي ياسمين
ع اللي تلاقوا ومش عارفين
ومن مين خايفين
من مين
س
ـألتك حبيبـي..
............
اجواء حلوه وفرحانة كلش لان هاي اول مره النه وحدنه نطلع وهيج فرحانين واشوف الفرحة بعيون ياد لان كلتله احبك ...
_ياد (بصياح) : احببببببج والله احببببج
_نرجس : ههههه ياد فضحتنه ع كيفك
_ياد : خل الدنيا كلهه تدري انيييي احببببج
_نرجس : (لزم ايدي وباسه ، واني خليت راسي ع جتفه ونسيت الدنيا كله ونسيت مشاكلنه كله بس هو الوحيد الي افكر بيه بهالحظه وتمنيت الوقت ميمشي وياه
.....4
_نرجس : صار الساعه 7 الصبح رجعنه للبيت شفنه اهله كاعدين يتريكون طبينه واني وياد لازمين ايد بعض والطفل بحضني
_ياد : صباح الخير
_ام ياد (بفرحة) : كلللللللللويش ، تصالحتو؟ الف مبروك الله يحرسكم ي وليدي1
_ياد (بفرحة مخبوط بخجل ) : تسلمين يمه.. ويخليج النه
_ابو ياد : يلا تعالو تريكو
_ياد : بالعافيه احنه متريكين
_نرجس : (صعدنه فوك ، خليت الطفل عالسرير ورحت لحمام سبحت وطلعت ، شفت ياد كاعد يلعب ويه الطفل ويبوسه ، فرحت من شفتهم هيج ، رحت كعدت بصفهم
_ياد : نعيماً حبيبي
_نرجس : الله ينعم عليك ، شتسوون
_ياد : (لزم ايدين الطفل ويقلد صوت اطفال) : ماما بابا يلعب ويايه مو مثلج بس معبسه بوجهي
_نرجس : ههههه لعد خلي بابا يفيدك اشو من تجوع منو ينطيك حليب ، اني نازله
_ياد : لا ماما لاتعوفينه احنه نحبج
_نرجس : واني احبكم 😊
يتـــــــبع
BY قصص واقعيه️(لُـِ بـٌـٌنـِت بٌغٍـُڊآد🍃💜)
Share with your friend now:
tgoop.com/hetrwq/17311