tgoop.com/heznashwor/18453
Last Update:
لاستشهاد الزهراء ع
ياباب الدار ...شنهي الاعذار
شمس الله انكسفت بصوابك
سكـــطو قرآن أعلى عتابك
يا باب الدار...شنهي الاعذار
============
اللآذت بابك جليله وألقصد چان الحجاب
گــلي چــاوينه وفائـك لستر مو انته بـاب
تسجلت اعظم مصيبه وانت شاهد عالخطاب
ثمنطعش عام الحبيبه نـــدفنت بريع الشـــباب
أسأل لكن شنهو اجوابك
سكطو قرأن اعلى عتابك
ياباب الدار ...شنهي الاعذار
✍ام احمد العبوديه زبير
==============
اشلون يلبسمار كلي ماحميت ام الحسن
ألنذل لمّن دفعها وبهجومه من علن
فاطمه الزهره الوديعه اشسوه بيها هلزمن
عل الجنين الطاح منها ناحت بصوت الشجن
حيل امأثر بيها اصوابك
سكطو قرأن اعلى اعتابك
ياباب الدار ...شنهي الاعذار
✍ام عمار الصائغ
==============
فاطم بساعة كسرها شبچّت بيدك دريت
بچفها ياباب الرساله تگاودت بيه احتميت
چنها مالاذت بسدك حين دفعوك ورضيت
والدخيل شلون عندك حيف لدخيلك نطيت
بالمحشر چاشنهي احسابك
سكطوةقرأن اعله اعتابك
ياباب الدار •••شنهي الاعذار
ام حسين المحمداويه
==============
شجره زيتونه ومضيئه هيّ مشكات السماء
نورها اليضوي الكواكب تملي الدنيا بضياء
هاي فاطم ام ابيها شرف وحجاب وحياء
شافت انواع المصايب من جرم اهل البلاء
شتتعذر من يوم حسابك
سگطوا قرآن اعلى عتابك
ياباب الدار ...شنهي الاعذار
✍️☘️ام فراس الساعدي ☘️
==============
ارد اعـيش بفڪري لحظة وصوت ماريد استمع
انه مخنوگ من انشدك حالي چن خيط بشمع
ريت تاخذني المنية شهيست ڪسر الضلع
وگلي من اشتد المهه والدمى بيگ انطبع
ما اتوقع شنهو عقابك
سگطوا قرآن اعلى اعتابك
ياباب الدار ...شنهي الاعذار
✍وعد الڪفيل
==============
انه شلت الكون كله على جتافي وماملت
بحظني سرب من اليتامه وي دمعهم چلبت
ليش تجرح مني زهره بله فهمني شگلت
شنهي عذرك من ابوها ضلعه انته الكسرت
حضر للمحشر بجوابك
سكطوا قرآن اعلى اعتابك
ياباب الدار ..شنهي الاعذار
✍العلويه ام رقيه
فيض الطف
=============
تمت باقلام✍✍✍✍ شاعرات
رابطه
*ياجبل الصبر*
آلَلَهےـِمِےـ صِےـلَ عَےـلَ مِےـحًےـمِےـدُ وُآلَ مِےـحًےـمِےـدُ
https://www.tgoop.com/heznashwor
BY ✍قصائد وعد الڪفيل
Share with your friend now:
tgoop.com/heznashwor/18453