tgoop.com/heznashwor/18571
Last Update:
قصيدة "الخيل ساحگتك"
#مصرع_الامام_الحسين_ع
#السيدة_زينب_ع
ميت...
يابعد روح اختك
ميت..
والخيل ساحكتك
كلك على الگاع
ياحسين طايح
مايمنه فــــزاع
تسمــع الصايح؟؟
┄┅═✧❁★-❁✧═┅┄
شلون ساعة البيهه دلالي خفگ
ومن لفانه المهر خالي اختنگ
ابيض حصانك عجب بالدم غرگ
شابح عيونه انذبح بس لاصدگ؟
زينب..
چنه اجه يگلي
زينب ..
ودمعاته اتهلّيّ
دمعي ضل سايح
تــسمع الصايح
ميت....
✍️ وعد الڪفيل
┄┅═✧❁★-❁✧═┅┄
ليش مگلوب السرج بلله من اجيت
بصوتك تسولف مصيبه صيحيت
شماله الكون نگلب وتغـيريت
الظليمه تصيح يامهر وبچيت
وينه
الوالي خبّرني
وينه
شنهو اليصبرني
خذني لورايح
تسمع الصايح
ام حسين المحمداوية
┄┅═✧❁★-❁✧═┅┄
گام بالحافر يدچ چنه يگول
ماتسمعين العدو دگ الطبول
مات خوچ حسين يابنت البتول
ماحصل فزاع چاوين الفحول
امشينه...
للمذبح آنه وياچ
امشينه..
يازينب اترجاچ
بالدمى سابح
تسمع الصايح
✍️ وعد الڪفيل
┄┅═✧❁★-❁✧═┅┄
جيتك وخطواتي يلسعها جمر
هيستها سنين مو خطوة شبر
هذا انت حسين مطحون الصدر؟؟
الله لاينطيه شمسوي الشمر
احچي
جاوب يبعد اختك
احچي
حيلي وگع يمك
وبالضلع لايح
تسمع الصايح
ام حسين المحمداويه
┄┅═✧❁★-❁✧═┅┄
نعمت الله الطشروهه بيش المك
وين راسك آه يخويه وين صدرك
من رگبتك جيت اريدن والله احبك
مالگيته بالحوافر راح حضنك
راسك..
تاليته متعلگ
راسك
مگطوع ماصدگ
عطرك الفايح
تسمع الصايح؟
✍️ وعد الڪفيل
┄┅═✧❁★-❁✧═┅┄
تمت باقلام خادمات الامام الحسين (ع)
#المنتدى_الفاطمي
https://www.tgoop.com/heznashwor
BY ✍قصائد وعد الڪفيل
Share with your friend now:
tgoop.com/heznashwor/18571