tgoop.com/heznashwor/18584
Last Update:
قصيدة لاستشهاد الامام الكاظم "ع"
عن لسان معصومه عليهاالسلام
لفقدها قبر ابيها وفراقه الاليم
(متانيـــــــــــــه) ~~~»♡
متانيه// ترجع تجيني يالابو
متانيه
ماشاچيه//
بس لله عن مر البعد
ماشاچيه
يمته تجيني
ويكف ونيني
ياابو الرضا وينك//
«»«»»«»«»»«
متانيه واحسب يمت طولك اشوفه
ياعافيه وشم الهوه يايوم اطوفه
والزم بچفك يادفه لا مااعوفه
ماحاجيه //بس بيني وبين الحشه
ماحاچيه
متانيه
ترجع تجيني يالابو متانيه
شهگه بحنيني
يمته تجيني
ياابو الرضا وينك/٢
ام حسين المحمداويه
┄┅═✧❁★-❁✧═┅┄
چم ليلة مرت والفجر يشهد عليه
شوغات فگدك يالضمد جمرة سريه
نار الهظم مثل السبي هاي الرزيه
ماداريه // تاليها افارگ شوفتك
ماداريه
متانيه //ترجع تجيني يالابو متانيه
شمعة سنيني
يمته تجيني
✍️ وعد الڪفيل
┄┅═✧❁★-❁✧═┅┄
ماداريه سجة هجر تاخذنه لبعيد
انت بطوامير الظلم والگيد بالايد
وانه بمحجر فرگتك يا مگبل العيد
ماراضيه//
يابويه تبعد شوفتك ماراضيه
متانيه//
ترجع تجيني يالابو
متانيه
ياماي عيني
يمته تجيني
ام حسين المحمداويه
┄┅═✧❁★-❁✧═┅┄
محنيه من زغري ويتيمه وگلبي مشتاگ
لشوفة عزيزي او والدي ذابحني الفراگ
بطاريه صبح جفني بدمعته دوم سباگ
جاريه //
من ينذكر دموعي تهل جاريه
متانيه //
ترجع تجيني يالابو متانيه
مذبوحه عيني
يمته تجيني
✍️ وعد الڪفيل
┄┅═✧❁★-❁✧═┅┄
ياوادم اليفگد ابو يفگدهه ناسه
لن ماكو منهو يعوضه ويشبه اساسه
كون اليفارگ والده يحبس انفاسه
مالاگيه//
مثل الحنان البيه عشت مالاگيه
متانيه//ترجع تجيني يالابو متانيه
من يسليني
يمته تجيني
امتانيه
ام حسين المحمداويه
تمت باقلام رابطة شاعرات (الطفوف)
┄┅═✧❁★-❁✧═┅┄
https://www.tgoop.com/heznashwor
BY ✍قصائد وعد الڪفيل
Share with your friend now:
tgoop.com/heznashwor/18584