tgoop.com/hk_self_defense/104
Last Update:
連儂牆安全教學(拯救公會+哨兵公會聯合教學)
🥊戰術(自衛/拯救)部分🥊：
對家可能進行攻擊嘅方式：
⚠️單人/少量人假扮路人，走近文宣手足進行偷襲
⚠️多人高調地快速進入貼野地點進行攻擊
⚠️多方向包夾
戰術建議：
💡留意有無可疑人物走近，然後突然伸手入袋。因為如果玩偷襲，一定會將武器放入袋，唔會咁揚。
💡如果真係有可疑人物突然伸手入袋，要即刻大叫，等在場所有人都留意到。
💡如果證實對方有武器(兼看似不懷好意)，但尚未進行攻擊嘅話，一係即刻走，一係就先發制人，唔好花時間對峙。拎得武器就代表有預謀，都唔好諗住用把口就可以說服到佢。就算同佢講野，最多係引開佢注意，隨時要準備走/出手。
💡如果係多人高調地進行攻擊嘅話，請全部人向同一個方向離開。通常連儂牆最少有2個方向可以離開，如果對方無雙倍人數，一般都唔會玩包抄，只會由一邊進場。但如果對方無雙倍人數又玩包抄嘅話，其實每一邊嘅兵力都少過我方總人數，集中衝向一邊，對方會唔夠打。
💡如果已進入混戰階段，集中打柒對方其中一條友，咁樣對方反而變左要救人，多過要打你地。
個人防身技巧：
👊🏻帶備安全合適嘅用品，例如長遮(直刺，或橫檔)、各種球拍(唔止可以用黎打波)、雀巢咖啡(你懂的)，如果帶左噴膠想噴野嘅話，其實唔止可以噴野，仲有另一個用途👀
或者用殺蟲水會效果更好
👊🏻有背囊亦可以用黎擋到幾下棍，但記得唔好裝貴重物品或者可以識別身份嘅野(例如信件)，因為有機會比人搶
👊🏻如果有練過踢技，適當時候用踢拉開距離，或者攞下陰、膝頭位。
👊🏻如果係天橋上，最差嘅情況係對方捉住你，再掟你落街。對方通常係以熊抱開頭，要拆有幾個重點：
1. 坐低個人嘅重心，咁會難啲抬起你個人
2. 前熊抱(face to face)嘅情況下，可以推開對方個頭(下巴)
3. 後熊抱嘅情況下，試下搵佢啲手指再扯開。各種拆熊抱詳細教學：
https://www.tgoop.com/hk_self_defense/31
👊🏻得閒自己喺屋企練下technical stand up，萬一混戰中落左地，都有機會起返身。詳細教學：
https://www.tgoop.com/hk_self_defense/60
🔭哨兵(佈置監視網/提防藍c)部份🔭：
💡文宣組如唔夠哨，早D聯絡地區哨頻，講時地比區頻知，佢地通常有區哨隊嘅聯絡方法。當然收到請求幫助嘅區頻唔好係頻道出任何相關info，哨隊亦唔好同對方講哨點，防止被釣魚。
💡哨兵結構：完整結構最少約5-8人
⚠️短時間簡單貼野亦最少有足夠人數哨哂到達貼野點嘅所有方向，例如：貼隧道每個出入口附近必須放最少一人，如出入口太多，則野點來回兩方向盡頭最少一人。
另外留一個人跟蹤懷疑藍c
以下為大型貼野行動建議方案：
⭐️定點哨：
-區內狗屋(如有)
-區內黨鐵站(如有)
-每個可轉入貼野地點嘅主要道路交界點，距離行動點約3-5分鐘車程
⭐️遊走哨+通訊兵：最少2人
-收哨料
-通知現場人士離開
-附近巡邏，留意路人及環境
代表可能會報狗嘅行為例子：
❗️掉野、鬧人
❗️企定定黑臉望、影相(分1人跟蹤2分鐘，見佢拎電話出黎報狗嘅話，注意狗/保安)
❗️附近店舖或黨鐵職員出黎望實
‼️注意持械藍c：有目的地前往貼野點嘅可疑人士
⭐️冷氣：1人，負責睇哨料、分析同聯絡，如通訊兵認為自己可以處理就唔駛
💡哨兵行動建議：
-以zello或其他group chat工具聯絡
-定點哨早15分鐘到，以貼野點為中心，往哨點移動，沿路留意狗隻，通知遊走哨係mon住落地狗/狗車。
-遊走哨/通訊兵確保定點哨封鎖範圍內無極近貼野點嘅狗隻，通知文宣組並開始巡邏，注意落地狗/狗車動向
-如有發現狗車/狗隻/藍c前往貼野點，通訊兵馬上通知文宣組「散，有xx係xx方向黎緊」如遇包夾，直接指示較安全逃生方向
-文宣組收到哨兵離開指示即走，太多野就唔好執啦，淨係拎會顯示個人身份嘅物品
💡感謝哨兵公會多名哨兵比嘅經驗，尤其南區有人比左個好詳細嘅資料參考
🍀事前準備🍀：
⭐️因應各區地型，事先擬定逃生路線(e.g. 避免跑向狗屋或容易被包圍的死位)
事先達成共識如被包抄，一齊向邊一個方向逃生。(如果對家兵力分佈平均)
⭐️預先統計有幾多人有練開同埋會有心理準備還擊
⭐️平日多加操練體能，如有報班/團練習武更佳，文宣組亦可以考慮自組團練
⭐️文宣組建議係屋企做哂d野，貼野果日得 貼+噴
BY 自衛、拯救教學頻道
Share with your friend now:
tgoop.com/hk_self_defense/104