【10月1日 Manchester集會】

十月一號對於我哋香港人嘅意義絕對唔係國慶，而係關於一個我哋一直被逼歌頌屈服嘅中國共產黨，關於面對將香港所有選擇權利剝奪並二次殖民嘅中國。

香港人嘅民主自由，從來唔應該係需要受外部政權批准嘅事；香港民族，亦唔應該由捩橫折曲嘅共產黨口中嗰一套血緣、基因、「不可分割論」而決定，而係取決於我哋為香港所共同擁抱嘅理念、犧牲付出、價值同願景。

不論你對上述理念認同與否，作為一個擁抱民主自由嘅民族，我哋都會搵到共同嘅信念 一 抵抗極權。亦不論你心有所屬邊一支旗代表香港，只要認為你係香港人或想聲援香港人，都歡迎嚟參與集會，民主同自由嘅環境就係容許唔同諗法嘅人走埋一齊討論。

日期：1/10 （星期二）
時間：下午5:45
地點：St Peters square, Manchester

對於所有會參與及無法參與嘅香港人：記住，選擇與爭取，從來都可以靠自己去決定。
當日見。