tgoop.com/hkmanual/245
Last Update:
#正論 #國際戰線 #自救
【自救與被救：革命只能由香港人完成】
列強最滿意一定係維持現狀，因為佢最能夠準確計算嘅係當刻利益，而唔係改變，除非現狀已經對佢有好嚴重嘅利益損害。美國喺香港上年度有三百幾億美金嘅貿易順差，係美國最大額嘅順差貿易夥伴。美商會去咗游說國會反對不利佢哋經商嘅人權法案，你就知道獨裁唔係問題，最緊要做到生意。而我哋唔能夠單一依賴美國嘅外交援助，因為美國政策都可能有一日改變，雖知道唔係打住民主自由嘅旗號就喺親兄弟，大把獨裁者（韓國朴正熙全斗煥、台灣蔣經國等等）係美國保護下而生存，有一日美國國會被買通，一樣可以話「一國兩制執行情況良好」。
經常有人帶風向話手足要等美國國會通過人權法，「人權法通過之前咩都唔好做」。事實係即使通過上述法案，對支那作用都有限，制裁以美元計價嘅資產、唔俾移民、唔俾簽證、禁止出口監控科技等等，實質作用於美國同佢嘅盟友境內。對香港境內嘅革命活動，推翻獨裁同成立新政府嘅進程，只能夠由香港人完成，而美國係無可能施予援手。風向撚嘅講法只係利用「外國勢力」嚟做敵人嘅掩護，實質拖延我哋準備嘅寶貴時間。
手足從來都唔應該擔心影響國際戰線，無限揣摩列強嘅「心意」，我哋最重要嘅使命係推翻獨裁，將立國成為事實，建立屬於香港人嘅主權國家，保證列強在港利益唔會因為主權更迭而受損，列強就要接受既有事實。
只有香港人可以救返香港，試回想返反送中條例嘅抗爭，如果唔係我哋武力抵抗，即使歐美隔空譴責都唔可能改變到咩。「是你教我們和平遊行是沒用的」，自1997年起侵害香港人嘅議案不斷通過，正正係我哋無做好本份。我哋嘅武裝力量一定要組織起嚟，由孤狼式襲擊、武裝小隊，一直發展到凖軍事組織。我哋要證明我哋係有能力摧毀香港嘅秩序，支那都要因為香港𠵱個泥沼而投降撤軍，甚至連列強反對、動用軍事干預都阻止唔到我哋。
香港人要喺世界上獲得尊重，唔係單靠外交，唔係單靠博人同情，只可以靠自己。我想問各位手足一個問題，如果美國唔同意、唔准許香港人追求自由民主，甚至保護支那喺香港扶植嘅政府，唔通手足就會放棄光復香港？唔通我哋就會放棄我哋嘅信仰？
我會毫不猶豫咁答返大家：我會堅持不懈，奮鬥直至共和國成立。
===
請follow《香港革命指南》
@hkmanual
BY 《香港革命指南》
Share with your friend now:
tgoop.com/hkmanual/245