tgoop.com/hkmanual/291
Last Update:
#翻譯 #綠書 #革命
本文翻譯自愛爾蘭共和軍作戰手冊《綠書》(Green Book)。綠書係一本愛爾蘭共和軍俾新加入成員嘅簡介同訓練指南。當中講述佢哋對抗英國政府嘅軍事目標、戰術及取勝條件。
我哋將會陸續翻譯綠書嘅內容，希望手足將書入面嘅可取之處加以採用，不斷進步。
=====
【辨清敵人：分類—處理（ "The Enemy : Categorise - Cure" ）】
敵人，廣義而言係所有反對我哋短期或長期目標嘅人。雖然如此，我哋亦必須明白到敵人分好多種，因而無一套萬劫可解嘅方法可以處理佢哋。因此，我哋要對敵人進行分類，並針對類別作出處理。一般而言，我哋有三類敵人：1. 無知、愚昧者；2. 因我哋犯錯而樹立嘅敵人；3. 最主要嘅敵人：制度內嘅既得利益者。
一、無知、愚昧者
對付無知嘅群眾，我哋要教育呢班人，但如果我哋唔先教育自己，咁一切都只係徒勞。所謂嘅教育，可以透過巡遊、示威、街頭可見嘅標語、新聞稿／聲明、共和軍嘅傳媒、出版以及對人嘅直接交流去進行。但正如頭先所講，我哋必須先教育自己，我哋必須有效率地舉辦遊行示威、我哋要隨時準備喺牆上噴口號、推廣及支持所有屬於共和軍嘅傳媒、出版、聲明。
二、因我哋犯錯而樹立嘅敵人
呢類敵人嘅形成，係由於我哋喺鬥爭中嘅個人或集體操守問題：例如我哋喺逃避拘捕嘅途中造成公物嘅損壞（按：原文例子係假設有一名如廁嘅女人，遭共和軍逃走時爆開廁所門／後門），事態平息後受影響嘅民眾並無得到道歉，或者係無人幫佢維修；又例如罪犯或告密者（按：如警察、藍絲、篤灰者）受到懲罰（按：執行公義），但無人向佢哋嘅屋企人或鄰居解釋原因。簡單而言，我哋一定要盡力維持個人操守，以及喺共和軍活動嘅極體秩序，以確保唔會喺無必要嘅情況下樹敵。
三、最主要嘅敵人：制度內嘅既得利益者
所謂「制度內」（establishment），就係包括所有透過維穩（Maintaining the present status quo）去獲取利益嘅人，包括：政客、傳媒、司法機關、某啲商業機構、英國嘅戰爭機器（英軍、阿爾斯特防衛團、皇家阿爾斯特警察、獄卒、民兵）。現時已有好多針對建制內嘅武裝分支嘅方法，在此不贅。除咗北愛爾蘭事務部（Northern Ireland Office）或個別司法機關成員，其餘嘅制度內嘅非武裝分支（如上文所述嘅傳媒），呢啲敵人往往都會遭到我哋忽略。
因此，我哋嘅任務就係幫助群眾認清敵人，以及根據情況及能力去防範於未然。處決，並唔係唯一一個可以剷除建制敵人嘅做法：我哋亦可以揭露佢哋係騙子、偽君子、共犯，以及令佢哋成為醜化嘅目標。
（按：好多人都以「對準政權」為由，認為我哋嘅敵人只有政要或者係政府機關，甚至話警察唔係真正敵人；我哋藉由呢篇文章，想大家認清我哋嘅敵人係邊個，同埋敵人嘅種類。對香港人而言，最重要係：唔好畀人轉移視線，誤以為法官、藍屍、紅媒唔係敵人。）
=====
請follow《香港革命指南》
@hkmanual
BY 《香港革命指南》
Share with your friend now:
tgoop.com/hkmanual/291