《香港革命指南》

#翻譯 #綠書 #革命
本文翻譯自愛爾蘭共和軍作戰手冊《綠書》(Green Book)。綠書係共和軍俾新加入成員嘅簡介同訓練指南。當中講述佢哋對抗英國政府嘅軍事目標、戰術及取勝條件。

我哋將會陸續翻譯綠書嘅內容，希望手足將書入面嘅可取之處加以採用，不斷進步。
===
【應對拷問（Anti-interrogation ）】
I. 拘捕
共和軍成員被捕，好多時都係軍事行動期間或之後發生。被拘捕會使你感到緊張同焦慮，成員會感到自己行動失敗，因而覺得無比失望。警察往往都會意識到你呢種失望感，因此會對你進行各種侮辱：「你以為自己好醒」、「你只係一隻棋子」等等。喺拘捕途中，警察會用各種殘暴嘅手段去震懾你，令你喺恐懼中不敢反抗，比如係將你從地上拖行到停泊嘅警車，掟你入車，再由其他人員看守你。過程中佢哋會不斷對你拳打腳踢，之後就會開始侮辱你，到達警署後再將你從警車拖出，反覆地拳打侮辱，再將你鎖入臭格。

當志願軍被敵人俘虜時應該點做？
1. 當你被俘虜時，最重要係記住你身為志願軍嘅成員，你依家係俾敵人拘捕俘虜。而你所信仰係絕對正義，你係啱而敵人係錯。身為一個軍人你已經盡你所能，而無需要為被俘一事而覺得羞恥。
2. 你一定要記住敵人折磨嘅方法，係專門設計嚟令你崩潰，從而套取你對組織所知嘅一切資訊。
3. 喺扣押期間，佢哋會不斷重覆地滋擾同虐打你，當共和軍成員因此而感失望灰心，咁樣正正係將自己置於好危險嘅位置，因為警察會藉住你嘅呢種失望，去瓦解你嘅意志並達成佢哋嘅目的。共和軍成員必須有被捕嘅預備，知道自己會遇到最惡劣嘅情況，調整自己嘅心態。

II. 拷問
當成員被送入羈留室後，你會有短暫獨處嘅時間。趁住呢個空檔，警察（拷問者）會不時聚集於羈留室外，對你進行侮辱，並且同你講一陣佢哋入嚟會對你做啲咩。

片刻之後，拷問者會進入羈留室，並且叫你認罪。期間你會遭到毆打同辱罵，嚴重程度按你可能遭到嘅控罪而定。警察會要求你打手指模（按：香港警察會叫你簽署不同文件）並問你一啲同控罪相關嘅問題。一般情況下，你嘅名同地址會被記下，以至上班地點、職業、教育程度等，佢哋都會一一拷問。得到呢啲基本資訊後，你會再次被獨自留喺羈留室，警察會喺呢個時候去核實你嘅身份，同你本身居住區域嘅警署、屋企、公司等等。喺呢段期間，警察會嘗試整合你嘅政治取向、刑事紀錄，幫你開File。

透過聯絡與你相關嘅人以及從你平時嘅行為模式（按：過往嘅監視跟蹤），警察會輕易地得知你嘅政治聯繫。當警察得到呢啲資訊後，佢哋會再次進入羈留室，並且指控你參與各種形式嘅犯罪活動。喺無足夠證據去入你某一個控罪時，警察會任意指控你唔同嘅罪名。

咁樣做嘅目的係令你感到後悔同膽怯。然而，如果警察有足夠證據或強烈嘅懷疑，認為可以以某一條罪名去鋤你，佢哋就會立即向你施壓。施壓會以身體及心理折磨嘅形式進行，最可能發生嘅係屈打成招，並且聲稱佢哋已經知道晒你所有嘢。通常會有一個（或更多）嘅拷問者會特別兇狠，而當你唔肯招供同認罪時，佢哋會短暫離開羈留室，同你講佢轉頭返嚟會更殘忍地折磨你，並且話佢哋已經從其他人身上得到需要嘅罪證。

另一批拷問者會進入羈留室，好大機會拎住有你姓名嘅檔案。拷問者會表現到好友善及同情，並且會同被捕者講佢哋唔會接受上一批拷問者嘅盤問方式，例如講「佢哋都癲」、「如果佢哋再咁做我一定會阻止」。拷問者會用盡方法去表現佢哋有幾同情被捕人，並希望你可以盡快招認，聲稱唔想上一批拷問者再入嚟虐待你。

拷問者會保證招認後上一批拷問者唔會再入嚟。但佢哋都會同時警告如果唔招認嘅話就無辦法去保證你嘅人身安全。當你拒絕之後，佢哋會扮到好唔耐煩，並且話對你嘅唔合作感到失望，同時會輕拍被捕人嘅面或者肚，告知你應該感恩，暗示佢哋由上一批拷問者手上救咗你，唔招認係浪費咗佢哋嘅善意。

然後，拷問者會打開你嘅檔案，同時讀出同被捕人相關嘅資料，包括個人生活、參與過嘅活動。依啲資料有可能係被捕人嘅朋友、上司、同學、家人、女友提供。亦有可能係透過跟蹤你，例如餐廳酒吧閒談期間偷聽得嚟。甚至係經過線人兜售或者係其他被捕人提供。朗讀呢啲個人資料目的就係為咗恐嚇你，同時動搖你對其他成員同組織嘅信心。如果你仍然無任何招認，拷問者會離開羈留室，同時會留低佢哋個名，聲稱被捕人可以隨時搵返佢哋，亦都會恐嚇話下一批嘅拷問者係痴線，將會對你造成嚴重傷害。

隔段時間另一批拷問者會進入羈留室，依批拷問者會係非常兇殘同惡意咁對待被捕人。佢哋會不斷毆打同虐待你，並聲言如果被捕人唔同上一批拷問者招供，就會同佢哋招供，拷問者暗示佢哋最擅長用酷刑令疑犯招認。（待續）
===
過往《綠書》翻譯：
【Loose-talk Costs Lives (閒談致命)】
https://www.tgoop.com/hkmanual/290
【辨清敵人：分類—處理（ "The Enemy : Categorise - Cure" ）】
https://www.tgoop.com/hkmanual/291
===
請follow《香港革命指南》
@hkmanual

www.tgoop.com/hkmanual/323

43.4K viewsMar 9, 2020 at 09:20

#翻譯 #綠書 #革命
本文翻譯自愛爾蘭共和軍作戰手冊《綠書》(Green Book)。綠書係共和軍俾新加入成員嘅簡介同訓練指南。當中講述佢哋對抗英國政府嘅軍事目標、戰術及取勝條件。

我哋將會陸續翻譯綠書嘅內容，希望手足將書入面嘅可取之處加以採用，不斷進步。
===
【應對拷問（Anti-interrogation ）】
I. 拘捕
共和軍成員被捕，好多時都係軍事行動期間或之後發生。被拘捕會使你感到緊張同焦慮，成員會感到自己行動失敗，因而覺得無比失望。警察往往都會意識到你呢種失望感，因此會對你進行各種侮辱：「你以為自己好醒」、「你只係一隻棋子」等等。喺拘捕途中，警察會用各種殘暴嘅手段去震懾你，令你喺恐懼中不敢反抗，比如係將你從地上拖行到停泊嘅警車，掟你入車，再由其他人員看守你。過程中佢哋會不斷對你拳打腳踢，之後就會開始侮辱你，到達警署後再將你從警車拖出，反覆地拳打侮辱，再將你鎖入臭格。

當志願軍被敵人俘虜時應該點做？
1. 當你被俘虜時，最重要係記住你身為志願軍嘅成員，你依家係俾敵人拘捕俘虜。而你所信仰係絕對正義，你係啱而敵人係錯。身為一個軍人你已經盡你所能，而無需要為被俘一事而覺得羞恥。
2. 你一定要記住敵人折磨嘅方法，係專門設計嚟令你崩潰，從而套取你對組織所知嘅一切資訊。
3. 喺扣押期間，佢哋會不斷重覆地滋擾同虐打你，當共和軍成員因此而感失望灰心，咁樣正正係將自己置於好危險嘅位置，因為警察會藉住你嘅呢種失望，去瓦解你嘅意志並達成佢哋嘅目的。共和軍成員必須有被捕嘅預備，知道自己會遇到最惡劣嘅情況，調整自己嘅心態。

II. 拷問
當成員被送入羈留室後，你會有短暫獨處嘅時間。趁住呢個空檔，警察（拷問者）會不時聚集於羈留室外，對你進行侮辱，並且同你講一陣佢哋入嚟會對你做啲咩。

片刻之後，拷問者會進入羈留室，並且叫你認罪。期間你會遭到毆打同辱罵，嚴重程度按你可能遭到嘅控罪而定。警察會要求你打手指模（按：香港警察會叫你簽署不同文件）並問你一啲同控罪相關嘅問題。一般情況下，你嘅名同地址會被記下，以至上班地點、職業、教育程度等，佢哋都會一一拷問。得到呢啲基本資訊後，你會再次被獨自留喺羈留室，警察會喺呢個時候去核實你嘅身份，同你本身居住區域嘅警署、屋企、公司等等。喺呢段期間，警察會嘗試整合你嘅政治取向、刑事紀錄，幫你開File。

透過聯絡與你相關嘅人以及從你平時嘅行為模式（按：過往嘅監視跟蹤），警察會輕易地得知你嘅政治聯繫。當警察得到呢啲資訊後，佢哋會再次進入羈留室，並且指控你參與各種形式嘅犯罪活動。喺無足夠證據去入你某一個控罪時，警察會任意指控你唔同嘅罪名。

咁樣做嘅目的係令你感到後悔同膽怯。然而，如果警察有足夠證據或強烈嘅懷疑，認為可以以某一條罪名去鋤你，佢哋就會立即向你施壓。施壓會以身體及心理折磨嘅形式進行，最可能發生嘅係屈打成招，並且聲稱佢哋已經知道晒你所有嘢。通常會有一個（或更多）嘅拷問者會特別兇狠，而當你唔肯招供同認罪時，佢哋會短暫離開羈留室，同你講佢轉頭返嚟會更殘忍地折磨你，並且話佢哋已經從其他人身上得到需要嘅罪證。

另一批拷問者會進入羈留室，好大機會拎住有你姓名嘅檔案。拷問者會表現到好友善及同情，並且會同被捕者講佢哋唔會接受上一批拷問者嘅盤問方式，例如講「佢哋都癲」、「如果佢哋再咁做我一定會阻止」。拷問者會用盡方法去表現佢哋有幾同情被捕人，並希望你可以盡快招認，聲稱唔想上一批拷問者再入嚟虐待你。

拷問者會保證招認後上一批拷問者唔會再入嚟。但佢哋都會同時警告如果唔招認嘅話就無辦法去保證你嘅人身安全。當你拒絕之後，佢哋會扮到好唔耐煩，並且話對你嘅唔合作感到失望，同時會輕拍被捕人嘅面或者肚，告知你應該感恩，暗示佢哋由上一批拷問者手上救咗你，唔招認係浪費咗佢哋嘅善意。

然後，拷問者會打開你嘅檔案，同時讀出同被捕人相關嘅資料，包括個人生活、參與過嘅活動。依啲資料有可能係被捕人嘅朋友、上司、同學、家人、女友提供。亦有可能係透過跟蹤你，例如餐廳酒吧閒談期間偷聽得嚟。甚至係經過線人兜售或者係其他被捕人提供。朗讀呢啲個人資料目的就係為咗恐嚇你，同時動搖你對其他成員同組織嘅信心。如果你仍然無任何招認，拷問者會離開羈留室，同時會留低佢哋個名，聲稱被捕人可以隨時搵返佢哋，亦都會恐嚇話下一批嘅拷問者係痴線，將會對你造成嚴重傷害。

隔段時間另一批拷問者會進入羈留室，依批拷問者會係非常兇殘同惡意咁對待被捕人。佢哋會不斷毆打同虐待你，並聲言如果被捕人唔同上一批拷問者招供，就會同佢哋招供，拷問者暗示佢哋最擅長用酷刑令疑犯招認。（待續）
===
過往《綠書》翻譯：
【Loose-talk Costs Lives (閒談致命)】
https://www.tgoop.com/hkmanual/290
【辨清敵人：分類—處理（ "The Enemy : Categorise - Cure" ）】
https://www.tgoop.com/hkmanual/291
===
請follow《香港革命指南》
@hkmanual

BY 《香港革命指南》