tgoop.com/honestpeople_by/6363
Last Update:
Гвалт у кіно і на тэлебачанні: як гэта ўплывае на беларусак і беларусаў і пры чым тут Расія
Гэтым летам *Сумленныя людзі працавалі ў тым ліку над тэмай каштоўнасцяў беларусак і беларусаў. У адным з відэа мы разважалі пра культ сілы і гвалт: як на распаўсюджанасць гэтага ўплываюць войны, турма і нават фільмы і серыялы: https://youtu.be/rXGWDxjV6LY
Пасля выхаду відэа мы абмеркавалі тэму з эксперткамі і экспертамі: у прыватнасці пагаварылі аб тым, як масавая культура ўплывае на ўзровень гвалту. Ці сапраўды расійскія фільмы і серыялы пра бандытаў пашырылі культ сілы ў Беларусі? Ці ёсць нешта больш небяспечнае, ды й увогуле, можа, справа не толькі ў кіно з Расіі?
У дыскусіі ўдзельнічалі Генадзь Коршунаў, Кацярына Раецкая, Тарас Тарналіцкі, Ксенія Малюкова і Вадзім Мажэйка. Прапануем пазнаёміцца з некалькімі тэзісамі і падзяліцца сваім меркаваннем у каментарах (калі для вас гэта бяспечна).
Кацярына Раецкая: «Ёсць жа не толькі расійскі кантэкст, і не абавязкова кіно. Была гульня GTA: Vice City, дзе ты забіваеш незразумела для чаго. Або Call of Duty, дзе гвалт ужо пад патрыятычным соусам. Або любы баявік 90-х: мы, вядома, вельмі рады, што таварыш Брус Уіліс усіх перамог, але гэта ўсё праз гвалт. Пры гэтым хтосьці для сябе робіць высновы, што гэта жудасна і так рабіць нельга, хтосьці — што агрэсія і гвалт — лепшы інструмент».
Тарас Тарналіцкі: «Мне падаецца, што мы шмат увагі надаем мастацкім творам і забываем пра тэлебачанне. І на тэлебачанні — пасля 2014-га, 2020-га, 2022-га — мы можам назіраць узрастанне візуальнага гвалту: калі адразаюць вушы пры затрыманні, напрыклад. Гэта ўсё трапляе не толькі ў тэлеграм-каналы, але і на федэральныя каналы Расіі, адкуль рэтранслюецца ў Беларусь. Гэта вялікая небяспека для сучаснага грамадства. Не мастацкі гвалт, роля якога ў гульнях і фільмах трохі перабольшаная. А сапраўдны гвалт, які адбываецца ў тым ліку з дазволу дзяржавы, — гэта мае вялікі ўплыў на талерантнасць людзей да гвалту».
@honestpeople_by
#мычестныелюди #мысумленныялюдзі #каштоўнасці
BY Честные люди
Share with your friend now:
tgoop.com/honestpeople_by/6363