「好尷尬，白兵2024仲諗住用咁老土既手段幫極權做野，咩玩法？」

白兵以前可以用到衣D分化招數，係因為佢講一D好激進既野，宜家在香港佢根本講唔到，因為港共拉佢又唔係，唔拉佢又好怪（個個拉，唔拉佢會顯得好鬼），所以佢淨係可以小駡大幫忙，連扮反極權都扮唔到。

去到佢既facebook，見到佢有關香港既post，都係站在極權立場，仲要幫極權唱衰黃色KOL。比佢唱衰果D都係不停出片，用不同角度去批評極權既KOL。

最近江旻憓事件，佢出左幾個陰陽怪氣既post 全部都係幫極權講野，用各種唔同理由，叫人唔好再鬧江旻憓，仲狂屌一D專門批評極權既KOL。（果D KOL出左數以百計既批評港共既影片，衣幾年無停過幫香港人發聲。）

好心白兵，以前就話可以扮激進、扮極端搞分化，今時今日佢淨係對極權小駡大幫忙，仲有咩資格屌一D不停公開批評極權、幫香港人發聲既KOL？白兵真係尷尬到唔識形容。

仲有，宜家香港已經係國際公認既專制極權城市，支持民主既黃絲已經比極權壓迫到透唔到氣。白兵到2024仲不停取笑支持民主既黃絲（e.g. 黃衛兵...），將極權受害人當做笑話看待，根本非常黑心，失去基本人性、良知。

我地唔怕藍、唔怕紅，最怕好似白兵咁既面目模糊既極權走狗，因為佢扮哂反共（其實宜家都扮唔到），實質陰D陰D搞9我地既手足，將我地由內部分裂。

香港人已經比極權搞到雞毛鴨血，坐監、流亡、移民、忍氣吞聲。我地一定要團結一致，互相扶持，唔可以比敵人分化，唔好中計。

我地見到支持極權既走狗，唔理佢幫過香港攞世界冠軍，唔理佢有咩成就榮耀，都要用正義既心作出嚴正指責。我地鬧極權走狗，其實只不過指出事實，但係極權搞我地支持民主既香港人，往往用唔合理非法手段搞到我地坐監、流亡。根本極權對我地既傷害係絕對不成比例。你諗下有幾多萬香港人比極權搞到成個人生唔同哂？

之前我出post 鬧熊仔頭FH Production 都講過，宜家極權出錢搵左好多KOL幫手唱好香港，叫香港人（唔好再分黃藍）（向前看），大家千其唔好中計，佢想我地對專制極權視而不見，對不公義事件麻目。

當見到有人話（不分黃藍），你問下自己，極權藍絲有無放棄打壓支持民主既黃絲？根本藍絲佢地日日都諗計將支持民主自由既我地捉哂入監獄。只有支持極權既人先會話（不分黃藍），唔好中計。

熊仔頭的背叛（報告）
https://www.tgoop.com/hongkongindex/3544