tgoop.com/hossword/349
Last Update:
ملخص اللي بنسمعه كل كام شهر:
هي مارقصتش عريانة على فكرة. هي رقصت بحجابها وفُل ميكب بس. كانت بتتهز باحترام وحشمة ووقار. هز راقي.
فرحانة يا أخي. عارف يعني ايه فرحانة؟ يعني ربنا كرمها بنعمة فبتترقص قدام الرجالة بحشمة.
وكمان أبوها مبسوط إن بنته رقاصة. يبقى كده هي راضية وأبوها اللامؤاخذة راضي.
أما معصية ربنا فماتتدخلوش في علاقتها بربنا. هي ماعملتش حاجة غلط. ربنا نهاها عن إبداء الزينة فتبرجت ورقصت بس.
يا مجتمع متخل* سايبين اللي بيتحرشوا وجايين على بنت بتتهز قدام الرجالة عشان فرحانة؟!
وبعدين لما تترقص قدام الشباب وتوريهم أشياءها وهي بتتهز أحسن ما تعمل المعصية في السر. هي كده واضحة ومش منافقة. آه دي الفيرجن الجديدة من نسخة الإسلام الإنسانوي. اعمل معصية واجهر بيها وشجع المجتمع عليها. لكن تعملها بينك وبين نفسك وتشيل وزرها لوحدك من غير ما تشجع غيرك؟! ليه؟! هي سايبة؟! تضيع سكور سيئات تاريخي ليه؟!
ولعلمك بقى هي مش مسامحاكم. مش مسامحة أي حد خاض في سمعتها وقال إنها بترقص وإنها مش محترمة. الاحترام مش لبس ولا رقص. ممكن تبقي محترمة بس بتتهزي قصاد الرجالة عادي.
وبعدين ده اسمه قذف محصنات. صحيح ماحدش رماها بالزنا لكن ده التعريف الجديد لقذف المحصنات اللي لسه نازل جديد. وده نتاج جهد شاق تم فيه خلط المفاهيم الحداثية العلمانية بالمصطلحات الدينية.
عمرنا ما هانتقدم غير بالفن. غير بالرقص. غير بالأحضان في المسلسلات والعري. نسوان مصر لازم يفرحوا ويرقصوا. ورجالة مصر لازم يتضامنوا. آباء مصر لازم يشجعوا بناتهم: انتي يا بنتي ماعملتيش حاجة غلط. انتي هزيتي لحمك بس.
BY حسام عبد العزيز
Share with your friend now:
tgoop.com/hossword/349