【我真係好撚鍾意香港•第二彈 土瓜灣穿街過巷歷史文化團】

屯馬開通真的......有人興奮，有人愁。隨住土瓜灣沿線嘅地鐵站落成，呢個舊社區將徹底換膚，橫街窄巷雖然俾人嘅感覺又殘又舊，但原來不乏小店孕育緊本地文化，社區建設隱伏其中。

今次好多謝土家故事館嘅導賞員阿龍帶一眾工會朋友遊走社區，發掘扎根喺香港嘅本土文化同人情味，了解到推動社區發展同時，一堆唔顯眼，但對本土文化具影響力嘅社群亦有機會隨之消散。

到底發展同保育之間點樣平衡呢？作為香港人嘅我哋有責任去了解自己住嘅地方，更進一步思考如何保留香港嘅獨特性，建立我哋嘅「根」。

由自己住果區開始就係好好嘅起步點，土家嘅成員亦多數係當區出世同成長嘅街坊，佢哋正正係為緊佢哋嘅「根」努力搞導賞團。

經常有人問起土瓜灣算係九龍東定九龍西，其實啱啱喺九龍中部，東連九龍灣，西接油尖旺，北臨九龍城，南向維多利亞港！通常人知道呢到有個九龍城碼頭，但原來已經係第三代，呢到其實仲隱藏著船廠、沙灘、一葉輕舟的故事痕跡......

土家故事館亦因為地區重建而喺8月中遷移，大家想喺館內留吓倩影、留底腳毛嘅話，就要把握機會喇！

團友的話：
發展係咪一定要將舊嘅事物徹底剷除？新同舊係咪唔可以共存呢？希望大家花多少少時間，留意下自己嘅社區有冇一啲值得保留嘅人同事。未來就靠我哋將呢啲逐漸消失嘅樣貌同回憶世世代代傳落去~
最後多謝啊龍~ 希望大家多多支持土家故事館🙏🏻

#土家故事館 #土瓜灣 #屯馬線 #保育 #本土 #根 #留下來的人 #堅持 #香港人 #避唔到 #一齊捱