tgoop.com/hududgaz_samarqand/4119
Last Update:
“Hududgaztaʼminot” AJ va Yaponiyaning “ITO Corporation” kompaniyasi hamkorlikni rivojlantirmoqda
“Hududgaztaʼminot” AJ va Yaponiyaning “ITO Corporation” kompaniyasi vakillari ishtirokida 2024-yil 23-oktyabrda oʻtkazilgan muzokaralar davomida ikkala tomon oʻrtasida uzoq muddatlik hamkorlik qilish maqsadida anglashuv memorandumi imzolangandi.
Joriy yilning 13–17-yanvar kunlari Yaponiya delegatsiyasi tashrifi davomida ushbu memorandumga asosan “ITO Corporation” kompaniyasi tomonidan ishlab chiqarilayotgan texnologiyalar: propan va havo aralashmasidan sintetik metan gazi oluvchi qurilma, gaz quvurlari va qurilmalarida gaz sizib chiqishini aniqlovchi uskunani Toshkent viloyati Angren shahar “Yangiobod” MFY hududidagi isteʼmolchilarni suyultirilgan gaz bilan taʼminlovchi “gazgolder” inshootiga pilot loyiha tariqasida oʻrnatish imkoniyati oʻrganilmoqda.
Ushbu loyiha Yaponiya Iqtisodiyot, savdo va sanoat vazirligi koʻmagida boshlangan boʻlib, gaz taʼminoti tizimini yaxshilash boʻyicha innovatsion yechimlarni joriy etishni rivojlantirishga katta hissa qoʻshadi.
Batafsil: https://hududgaz.uz/news?id=13087
