tgoop.com/humandev/39227
Last Update:
*👈هل انت شخصية مرنة سهله ولا جامده ⁉️*
فاكرين حديث النبي صلى الله عليه وسلم
👈(( ألا أخبركم بمن تحرم عليه النار ؟
تحرم على كل قريب هين لين سهل )) الترمذي
*طيب ايه معنى شخصية سهلة ... ؟*
سهلة مش معناها سطحية او ضعيفة
سهله يعني مش سيئة الظن
مش متشدده فى التعامل مع الناس " الزوجه _الزوج – التجارة " .
معندهوش حساسية فى تفسير تصرفات الناس
مبيكبرش الامور اكبر من حدها
مش خايف دايما ان الناس تنتقده
مش متشدد فى الدين يصعب على نفسه وعلى الناس
بيعدي اخطاء الناس مش بيعمل من الحبه قبه
جاوب على اسئلتي وقولي
*هل انت شخصية سهلة ام معقدة ام متشدده ياترى تاخد كام من عشرة*؟‼️
*👈هل لما بتدخل بيتك ولادك وزوجتك يفرحوا لما تيجى ولا بتكهرب البيت ؟ ‼️*
*ياترى بيفرحوا لما تسافر وتبعد ولا دايما نفسهم تكون معاهم ؟‼️*
*هل تسئ الظن بالناس وتتوقع منهم الشر والسوء والخيانة ؟‼️*
*هل دائماً عندك قلق على منظرك امام الناس ؟*
⬅️👈انتم عارفين ايه عكس الشخصية السهله ⁉️
عكس الشخصية السهلة 10شخصيات
معقد – متشدد – سئ الظن – يميل للتعسير والتضيق على نفسه وعلى الناس – متنطع - متصيد لاخطاء الناس - مبالغ فى الحساسية ....
*ياه كل دول عكس كلمة سهل*❗️❗️❗️
*طيب نستفيد ايه من الدرس ده*
✔️ " كن مرناً" تنازل عن الحاجات البسيطة من اجل كسب الاخرين .
✔️ بشئ من التنازل يقل عدد كبير من حالات الطلاق ..
☘خليك مرن وتنازل من اجل الا تخسر الاخرين☘
*👈- فى صلح الحديبية* : " قال النبي صلى الله عليه وسلم اكتب يا على:
بسم الله الرحمن الرحيم.
فقال سهيل بن عمرو مندوب قريش معترضا: اكتب ما نعرفه من قبل، اكتب باسمك اللهم.
👈فقال النبي: امحها يا على، واكتب باسمك اللهم،
👈وبعدها قال النبي اكتب هذا ما عاهد عليه رسول الله
فاعترض مندوب قريش قائلاً: من قال أنك رسول الله؟‼️ لو نعلم أنك رسول الله لما حاربناك،اكتب اسمك واسم أبيك.
فقال النبي : نعم والله إني لرسول الله وإن كذبتموني امحها يا على،
فقال على: والله لا أمحوها أبدا،
فقال النبي: أرنيها يا علي،فأشار علي على العبارة، فمحاها النبي بأصابعه" .
*التنازل مش ضعف بالعكس صفة الواثق القوي*
👈- حتى فى الدين :-
يجوز ترك بعض الفروع من اجل تأليف قلب المخالف وعدم حدوث صراعات معه.يعني مثلا
🌼– احمد بن حنبل ترك البسملة جهراً الا فى المدينه لان اهلها يجهرون بالبسملة
🌼الإمام الشافعي صلى في مسجد الإمام أبي حنيفة مرة صلاة الصبح ولم يقنت والقنوت سنة مؤكدة عنده لما انتهى قالوا له أنسيت يا إمام القنوت أم غيرت مذهبك‼️
قال :"لا هذا ولا ذاك ولكن احتراماً لصاحب هذا المسجد" يعني للإمام أبي حنيفة
لأن الإمام أبي حنيفة كان لا يرى القنوت في الفجر.
👈 ياسيدي طالما في امور الدنيا خليك سهل ....عدي..... تسعد ..
هناك بيوت اتهدت على تقفيل الدماغ على حاجات بسيطة وتسألهم بعدها بعد ما الاولاد بكوا لهدم البيت ....
انتم اختلفتم على ايه ..‼️
يقول لك والله ما فاكر .. ‼️
حاجه تافهه الشيطان وسوس لي
✔️خليك مرن ...
✔️ فوت ..
✔️تنازل شوية ..
الجمود احياناً سببه الكبر ...
قال النبي صلى الله عليه وسلم (لا يدخل الجنة من كان في قلبه مثقال ذرة من كبر .)) مسلم
*⬅️👈حكى لنا شيخ الإسلام ابن تيمية* :
انه صنَّف رجل كتاباً في الاختلاف،
فقال له الإمام أحمد لا تسمِّه (كتاب الاختلاف)، ولكن سمّه كتاب السعة ))
⬅️👈عايز تعيش مرتاح وتريح اللي حواليك
*كن مرنا سهلاً*.
قال رسول الله صلى الله عليه وسلم:
((المؤمن يأْلَف ويُؤْلَف، ولا خير فيمن لا يأْلَف ولا يُؤْلَف))
(صححه الشيخ الألباني
دروس الاخت مروة ح❤️
BY تنمية بشرية
Share with your friend now:
tgoop.com/humandev/39227